ఠాణా ఎదుటే గొడవ... లాఠీలకు పనిచెప్పిన పోలీసులు

పోలీస్​స్టేషన్​ ఎదుటే రెండు వర్గాలు ఘర్షణకు దిగాయి. ఎంతకూ గొడవ సద్దుమణగకపోవటం వల్ల పోలీసులు రంగంలోకి దిగి లాఠీలకు పని చెప్పారు. ఈ ఘటన నిజామాబాద్​ జిల్లా రుద్రూర్​లో జరిగింది.

నిజామాబాద్ జిల్లా రుద్రూర్ సీఐ కార్యాలయం ఎదుట రెండు వర్గాలు పరస్పరం దాడికి దిగాయి. రుద్రూర్​లోని ఓ మజీద్ కమిటీ నూతనంగా ఏర్పాటైంది. ఇమామ్​ను తొలగిస్తూ... నూతన కమిటీ నిర్ణయం తీసుకోవటం వివాదానికి కారణమైంది.

పోలీసులకు ఫిర్యాదు చేసేందుకు వచ్చిన సమయంలో మాటామటా పెరిగి ఇరువర్గాలు పరస్పరం దాడి చేసుకున్నారు. పిడిగుద్దులతో ఇష్టమొచ్చినట్లు కొట్టుకుంటూ భీతావహ వాతావరణం సృష్టించారు. నచ్చజెప్పేందుకు ఎంత ప్రయత్నించినా ఇరువర్గాలు తగ్గకపోవటం వల్ల... చివరకు పోలీసులు లాఠీఛార్జి చేసి ఆందోళనకారులను చెదరగొట్టారు.

ఇదీ చూడండి: ఐటీ సోదాల్లో రూ.100 కోట్ల నల్లధనం పట్టివేత