ఆంధ్రప్రదేశ్లోని కృష్ణా జిల్లా చందర్లపాడులో రైతు కట్టా లక్ష్మీనారాయణ ఆత్మహత్య చేసుకున్నారు. పెరిగిన అప్పుల భారానికి తోడు.. ఈ ఏడాది పంటలు సరిగా పండని కారణంగా.. మనస్తాపానికి గురయ్యారు. మంగళవారం రాత్రి పొలానికి వెళ్లి పెట్రోల్ పోసుకొని నిప్పంటించుకొని బలవన్మరణానికి పాల్పడ్డారు.
రైతు ఎంతకీ ఇంటికి రాకపోవడంతో బంధువులు, కుటుంబ సభ్యులు పొలానికి వెళ్లి చూడగా... కాలిపోయిన స్థితిలో అతని మృతదేహం కనిపించింది. కుటుంబసభ్యులు పోలీసులకు ఫిర్యాదు చేశారు. మృతదేహంతో పాటు ఓ సూసైడ్ నోట్ను పోలీసులు స్వాధీనం చేసుకొని... దర్యాప్తు చేస్తున్నారు.
ఇదీ చదవండి: ఇంటి నుంచి బయటకు వెళ్లిన యువతి... చివరకు శవమై!
