'ఉద్యోగాల పేరుతో డబ్బులు తీసుకున్నారు.. కొడుతున్నారు'

ఉద్యోగాలిప్పిస్తామని డబ్బులు తీసుకుని.. చివరికి తమపైనే దాడి చేశారని కొందరు విద్యార్థులు ఏపీలోని విశాఖలో పోలీసులను ఆశ్రయించారు. ఈ విషయంపై గతంలోనూ ఫిర్యాదులు అందాయని.. పూర్తి స్థాయిలో దర్యాప్తు చేస్తామని పోలీసులు తెలిపారు.

సాఫ్ట్​వేర్ ఉద్యోగాలు ఇప్పిస్తామని డబ్బులు తీసుకొని మోసం చేశారని.. ప్రశ్నిస్తే.. తిరిగి తమపైనే దాడిచేశారంటూ కొంతమంది విద్యార్థులు విశాఖ పోలీసులను ఆశ్రయించారు.

ఏం చేేశారు..

ఎన్​ఏడి కూడలి కాకానినగర్​ వద్ద యూఎస్​ సాఫ్ట్​వేర్ సొల్యూషన్స్​ సంస్థ.. నిరుద్యోగులకు ఉద్యోగాలు ఇప్పిస్తామని ప్రకటన చేసింది. అది చూసి ఉద్యోగం​ కోసం వెళ్లిన ఒక్కొక్కరికి చేత రూ.2,500 చొప్పున కట్టించుకున్నారు. నెలలు గడుస్తున్నా ఉద్యోగలివ్వలేదు.

తాము కట్టిన డబ్బులు తిరిగి ఇచ్చేయాలని ఓ యువతి.. ఆ సంస్థ కార్యాలయానికి వెళ్లి అడిగినట్టు చెప్పింది. వారు తనను గదిలో బంధించి.. దాడి చేసి.. గాయపరిచినట్టు ఎయిర్​పోర్ట్ పోలీస్​స్టేషన్లో ఫిర్యాదు చేసింది. తన లాగే వందలాది విద్యార్థులు డబ్బులు కట్టి మోసపోయారని తెలిపింది. న్యాయం చేయాలని కోరుతూ.. కొంతమంది బాధితులు పోలీసులను కోరారు. ఇదే సంస్థపై గతంలోనూ ఫిర్యాదులు అందాయని.. దర్యాప్తు చేస్తున్నామని పోలీసులు తెలిపారు.

ఇవీచూడండి: సీరియల్‌ కిల్లర్: మహిళలే లక్ష్యం... 16 దారుణ హత్యలు!