విద్యార్థులే లక్ష్యంగా భారీ మోసం

మీరు ఒకరికి సాయం చేయండి. ఆ ఒక్కరికి మరో ముగ్గురికి సాయం చేయమనండి. ఇది స్టాలిన్​ సినిమాలో మంచి కోసం చేసిన ఒ ప్రయత్నం. ఇప్పుడు అచ్చం ఇలాంటి ప్రయత్నమే ఒ సంస్థ చేసింది. మంచి కోసం కాదు... మోసం చేయడానికి. గొలుసు కట్టు విధానంలో విద్యార్థులే లక్ష్యంగా రూ.వెయ్యి కోట్లు మోసానికి పాల్పడింది ఓ కుటుంబం.

మల్టీలెవల్‌ మార్కెటింగ్‌ పేరుతో మోసాలకు పాల్పడుతున్న ముఠా గుట్టురట్టు చేశారు సైబరాబాద్ పోలీసులు. విద్యార్థులే లక్ష్యంగా కార్యకలాపాలు సాగిస్తూ రూ.వెయ్యి కోట్ల మేర వసూలు చేసిన నేరస్థుడిని చాకచక్యంగా అరెస్టు చేశారు. మాదాపూర్​ పీఎస్​లో ఓ బాధితుడు చేసిన ఫిర్యాదుతో ఈబిజ్ పేరుతో జరుగుతున్న మోసాల డొంకతా కదిలింది.

నిర్వాహకుడు హితిక్​ మల్హాన్​నుఅరెస్టు తరువాత అతని ఖాతాల్లోని రూ.70 లక్షలు స్తంభింపజేసినట్లు తెలిపారు. గతంలో ఆదిలాబాద్‌, వరంగల్‌లోనూ వీరిపై కేసులు నమోదయ్యాయని పేర్కొన్నారు.

ఈ కేసులో ఇంకా ఎవరైనా బాధితులు ఉంటే తమను సంప్రదించాలని సజ్జనార్ సూచించారు. ఇలాంటి సంస్థల స్కీమ్‌లకు ప్రజలు మోసపోవద్దని కూడా​ విజ్ఞప్తి చేశారు.

ఇవీ చూడండి:ఎన్నికల వేళ... అప్పుడే కోటి పట్టివేత