నేరాలకు అడ్డుకట్ట వేయడానికి ప్రతి ఒక్కరు ఆధునిక సాంకేతిక పరిజ్ఞానాన్ని ఉపయోగించాల్సిన అవసరం ఉందని సీపీ కమలాసన్‌ రెడ్డి అన్నారు. కరీంనగర్‌లోని ఎన్టీఆర్‌ కూడలి నుంచి కమాన్ కూడలి వరకు దాతల సహాయంతో కొత్తగా ఏర్పాటు చేసిన 151 సీసీ కెమెరాలను ఆయన ప్రారంభించారు.
అన్ని ప్రధాన రహదారుల్లో సీసీ కెమెరాలను ఏర్పాటు చేయాలన్న ఉద్దేశంలో భాగంగా తొలుత 108 పాయింట్లలో కెమెరాలను ఏర్పాటు చేశామన్నారు. ఇందులో వాహనాల నంబర్లను కూడా నమోదు చేసే అత్యాధునిక కెమెరాలు ఉన్నట్లు తెలిపారు. ఈ సందర్భంగా సీసీ కెమెరాల ఏర్పాటు చేయడానికి విరాళాలు ఇచ్చిన వారిని ఆయన సన్మానించారు.
సీసీ తప్పనిసరైంది..
"గతంలో దొంగలు ఇతర ప్రాంతాల నుంచి వచ్చేవారు కాదు. కాని ఇప్పుడు ఉత్తరాది రాష్ట్రాల నుంచి ఎక్కువగా వస్తున్నారు. అలాంటి దొంగలను త్వరగా పట్టుకోవాలంటే సీసీ కెమెరాల వినియోగం తప్పనిసరి. జిల్లాలో మొత్తం 10వేల కెమెరాలు ఏర్పాటు చేయాలని లక్ష్యంగా పెట్టుకున్నాం. ఇప్పటివరకు 6వేల కెమెరాలను ఏర్పాటు చేయగలిగాం"
--కమలాసన్‌‌రెడ్డి,సీపీ కరీంనగర్‌.
ఇదీ చూడండి: దిల్లీలో కొత్తరకం వైరస్ అనుమానిత కేసు
