హైదరాబాద్-విజయవాడ జాతీయ రహదారిపై ఆగిఉన్న వాహనాల నుంచి డీజిల్ దొంగిలిస్తున్న ముఠాను చౌటుప్పల్ పోలీసులు అరెస్టు చేశారు. మధ్యప్రదేశ్కు చెందిన భగత్సింగ్, హైదరాబాద్కు చెందిన మహ్మద్ తాహిర్ను విచారించగా ముఠా గుట్టురట్టయింది.
ఎలా చిక్కారంటే...
పంతంగి టోల్గేట్ వద్ద ఆగి ఉన్న లారీ నుంచి ఇద్దరు వ్యక్తులు డీజిల్ తీస్తున్నారు. అక్కడ వాహన తనిఖీలు చేస్తున్న పోలీసులకు అనుమానమొచ్చి విచారించగా... అసలు విషయం వెలుగులోకి వచ్చింది. మధ్యప్రదేశ్కు చెందిన ఆరుగురు, హైదరాబాద్ వాసి ముఠాగా ఏర్పడి డీజిల్ దొంగతనాలకు పాల్పడుతున్నట్లు విచారణలో వెల్లడించారు. ఓలారీని అద్దెకు తీసుకుని... ఆగి ఉన్న వాహనాల నుంచి డీజిల్ తీసి హైదరాబాద్లో తక్కువ ధరకు విక్రయిస్తున్నట్లు పోలీసులు తెలిపారు.
నిందితులను అదుపులోకి తీసుకుని వారి నుంచి లారీ, రూ.1.25నగదు, 50లీటర్ల డీజిల్ స్వాధీనం చేసుకున్నట్లు తెలిపారు. నిందితులిద్దరినీ రిమాండ్కు తరలించారు. ముఠాను త్వరలోనే అరెస్టు చేస్తామని తెలిపారు.
ఇదీ చూడండి: యాప్లో క్రికెట్ బెట్టింగ్.. అప్పుల పాలవుతున్న యూత్
