నిజామాబాద్ జిల్లాలో కారు దొంగతనం జరిగింది. దొంగలు కారులో వచ్చి మరో కారును దొంగిలించారు. డిచ్‌పల్లిలో మండల కేంద్రంలో బండి జ్ఞానేశ్వర్ తన కారును ఇంటిముందు పార్కింగ్ చేశాడు. మూడు నిమిషాల వ్యవధిలో కారును తీసుకెళ్లారు. రాత్రి రెండున్నర గంటల సమయంలో ఈ ఘటన జరిగింది. బాధితుడు డిచ్‌పల్లి పోలీసులకు ఫిర్యాదు చేశారు.
కేసు నమోదు చేసుకున్న పోలీసులు దర్యాప్తు చేస్తున్నారు. కారును చోరీ చేస్తుండగా నమోదైన సీసీ కెమెరా దృశ్యాల ఆధారంగా నిందితులను గుర్తించేందుకు ప్రయత్నిస్తున్నారు.
ఇదీ చదవండి: లారీ టైరు పగిలి... 120 పత్తి బేళ్లు అగ్నికి ఆహుతి
