ఉదయపు నడకకు వెళ్లి నాలాలో పడి వృద్ధురాలి మృతి

సరూర్​నగర్​లో విషాదం చోటు చేసుకుంది. ఉదయపు నడకకు వెళ్లిన ఓ వృద్ధురాలు ప్రమాదవశాత్తు నాలాలో పడి మృతి చెందింది. ఈ విషయం తెలుసుకున్న స్థానిక ఎమ్మెల్యే సుధీర్​రెడ్డి వెంటనే స్పందించి అధికారులను అప్రమత్తం చేశారు.

ఉదయం నడకకు వెళ్లి ప్రమాదవశాత్తు నాలాలో పడి ఓ వద్ధురాలు మృతి చెందిన ఘటన సరూర్​నగర్​లో చోటు చేసుకుంది. సరూర్ నగర్ చెరువు కింద ఉన్న కోదండరాం నగర్​లో శారదా నగర్​కి చెందిన సరోజ (80) ఉదయం ఆరుగంటల సమయంలో ఇంటి నుంచి వాకింగ్​కు వెళ్లారు. ప్రమాదవశాత్తు నాలాలో పడి కొట్టుకుపోయారు.

స్థానిక ఎమ్మెల్యే సుధీర్ రెడ్డి హుటాహుటిన ఘటనా స్థలానికి చేరుకొని... డీఆర్​ఎఫ్​ టీమ్​, పోలీసులను, జీహెచ్​ఎంసీ సిబ్బందిని అప్రమత్తం చేశారు. గాలింపు చర్యలు ముమ్మరంగా చేపట్టగా... చైతన్యపురిలోని హనుమాన్ నగర్ నాలాలో మృతదేహం లభ్యమైంది. మృతదేహాన్ని వెలికితీసి పోస్టు మార్టం కోసం ఉస్మానియా ఆస్పత్రికి తరలించారు.

ఇదీ చదవండి: దారుణం: పింఛన్ డబ్బు కోసం భార్యను హత్య చేసిన భర్త