సంగారెడ్డి జిల్లా జహీరాబాద్లో అర్ధరాత్రి చోరీ యత్నాన్ని అడ్డుకోబోయిన యువకుడిని కత్తితో దారుణంగా పొడిచి దొంగ పరారయ్యాడు. జహీరాబాద్ పట్టణంలోని భవాని మందిర్ కూడలిలోని కాంప్లెక్స్లో ఓ దొంగ చోరీకి యత్నిస్తుండగా అక్కడే ఉన్న రిజ్వాన్(19) అతడిని పట్టుకునేందుకు ప్రయత్నించాడు. తన వెంట తెచ్చుకున్న కత్తితో గొంతు, కడుపు, ఛాతీ, వీపు భాగాల్లో పొడిచి దొంగ పరారయ్యాడు.
తీవ్రమైన గాయాలతో ప్రాణాపాయ స్థితిలో ఉన్న యువకుడిని గుర్తించిన వ్యక్తులు స్థానిక వైద్య విధాన పరిషత్తు ప్రాంతీయ ఆసుపత్రికి తరలించారు. పరిస్థితి విషమించడంతో హైదరాబాద్లోని ప్రైవేట్ ఆస్పత్రికి తరలించారు. ఘటన దృశ్యాలు సీసీ పుటేజ్లో నమోదు అయ్యాయి. కేసు నమోదు చేసుకున్న పోలీసులు దొంగ కోసం గాలింపు మొదలుపెట్టారు.
ఇదీ చూడండి: దీపం అంటుకుని 17 నెలల చిన్నారి మృతి
