సికింద్రాబాద్ బోయిన్పల్లి పోలీస్ స్టేషన్ పరిధిలో వివాహిత అదృశ్యం కేసు నమోదు అయింది. ఇంట్లో ఎవరూ లేని సమయంలో ఆమె బయటకు వెళ్లినట్లు కుటుంబసభ్యులు తెలిపారు. కర్ణాటకకు చెందిన నిఖితకు బాలాసాహెబ్ అనే వ్యక్తితో వివాహం జరిగింది. బోయిన్పల్లిలోని భావనకాలనీలో నివాసం ఉంటున్నారు. కర్ణాటకకు వెళ్తానని ఆదివారం సాయంత్రం ఇంట్లో చెప్పినట్లు కుటుంబసభ్యులు పేర్కొన్నారు.
స్నేహితులు, బంధువులు, తెలిసినవారి ఇళ్లలో ఆరా తీసినప్పటికీ ఆమె ఆచూకీ లభ్యం కాలేదు. వెంటనే బోయిన్పల్లి పోలీసులకు ఫిర్యాదు చేశారు. అదృశ్యం కేసు నమోదు చేసుకుని పోలీసులు దర్యాప్తు ప్రారంభించారు. నిఖిత ఇంటి నుంచి వెళ్లిపోవడానికి గల కారణాలను విశ్లేషిస్తున్నారు.
ఇదీ చూడండి: సైబర్ నిందితున్ని అరెస్ట్ చేసిన సీసీఎస్ పోలీసులు
