మహిమ గల చెంబు పేరుతో మోసాలు.. ముఠా అరెస్ట్​

అద్భుత శక్తులు ఉన్న చెంబు పేరుతో మోసాలకు పాల్పడుతున్న ముఠాను ఏపీ పోలీసులు అరెస్ట్​ చేశారు. నకిలీ వస్తువులను పురాతన వస్తువులుగా చూపుతూ... కొంతమంది ప్రజలను మోసగించి సొమ్ము చేసుకుంటున్నారు. వీరిపై ఫిర్యాదులు రావడం వల్ల ప్రత్యేక టీం నిఘా పెట్టి నిందితులను అరెస్ట్​ చేశారు.

మహిమ గల చెంబు పేరుతో పలువురిని మోసం చేస్తున్న ముఠా పోలీసులకు పట్టుబడింది. ఏపీలోని విజయనగరం జిల్లా నెల్లిమర్ల సమీప ప్రాంతంలో అద్భుత శక్తులు ఉన్న పురాతన వస్తువులు అని... ఓ ముఠా మాయ మాటలు చెప్పి స్థానికులను మోసగిస్తుందని డీఎస్పీ అనిల్ కుమార్ తెలిపారు.

దీనిపై ఫిర్యాదులు రావటంతో ప్రత్యేక టీం నిఘా పెట్టి నలుగురిని అదుపులోకి తీసుకున్నామని వెల్లడించారు. అలాగే పరారీలో ఉన్న ఆ స్వామి గురించి గాలింపు చర్యలు చేపట్టామని పేర్కొన్నారు. నిందితుల నుంచి రూ.3 లక్షలు, 4 సెల్​ఫోన్లు స్వాధీనం చేసుకున్నామని డీఎస్పీ చెప్పారు.

ఇదీ చదవండి: పెళ్లి పనులు చేసేందుకొచ్చి... మృత్యు ఒడికి చేరారు