విద్యుత్‌ స్తంభాన్ని ఢీకొన్న ట్రాక్టర్‌.. 9 మంది కూలీలు మృతి

ప్రకాశం జిల్లాలో ఘోర ప్రమాదం జరిగింది. 9 మంది దుర్మరణం పాలయ్యారు.  నాగులుప్పలపాడు మండలం రాపర్ల సమీపంలో మిర్చి కూలీలతో వెళ్తున్న ట్రాక్టర్‌ విద్యుత్​ స్తంభాన్ని ఢీకొనడంతో ఈ ప్రమాదం జరిగింది. విద్యుత్​ తీగలు ట్రాక్టర్​పై పడి 9 మంది విద్యుదాఘాతంతో మృతి చెందారు. వ్యవసాయ పనులు ముగించుకుని తిరిగి వెళ్తుండగా ప్రమాదం జరిగింది. మృతుల్లో ఏడుగురు మహిళలు, ఇద్దరు ఇంటర్‌ విద్యార్థులు ఉన్నారు. ఘటనాస్థలిని జాయింట్‌ కలెక్టర్‌ మురళి పరిశీలించారు. మృతదేహాలను కాసేపట్లో ఒంగోలు రిమ్స్‌కు తరలించనున్నారు.