మద్యం మత్తులో యువకుల హల్​చల్​.. 13 కార్ల అద్దాలు ధ్వంసం

మద్యం మత్తులో ముగ్గులు యువకులు పలు కార్ల అద్దాలను ధ్వంసం చేశారు. సీసీ ఫుటేజీల ఆధారంగా కేసు నమోదు చేసుకున్న పోలీసులు దర్యాప్తు చేస్తున్నారు.

భద్రాద్రి కొత్తగూడెం జిల్లా ఇల్లందు పట్టణంలో మద్యం మత్తులో ముగ్గురు యువకులు హల్​చల్​ చేశారు. పట్టణంలోని పలు చోట్ల 13 కార్ల అద్దాలను పగులగొట్టారు. సింగరేణి నిర్వాసితుల కాలనీ, పట్టణంలో జరిగిన ఈ ఘటనను ఉదయం సమయంలో పారిశుద్ధ్య కార్మికులు గుర్తించి పోలీసులకు సమాచారం ఇచ్చారు.

ఘటనా స్థలికి చేరుకున్న పోలీసులు సీసీ ఫుటేజీలను పరిశీలించారు. ఈ మేరకు కేసు నమోదు చేసుకుని దర్యాప్తు చేస్తున్నట్లు సీఐ రమేశ్​ తెలిపారు.

ఇదీ చదవండి: కోమటిరెడ్డి వెంకట్​రెడ్డికి కరోనా.. సెల్ఫ్​ ఐసోలేషన్​లో ఎంపీ