దక్షిణ సిరియాలో ఇజ్రాయెల్ వాయుసేన క్షిపణుల వర్షం కురిపించిందని సిరియా సైన్యం తెలిపింది. క్వినెట్రా ప్రాంతంలో జరిపిన ఈ దాడుల్లోప్రాణనష్టమేమీ జరగలేదని వెల్లడించింది.
స్థానిక కాలమాన ప్రకారం.. బుధవారం రాత్రి 10.42గంటలకు దాడి జరిగిందని సిరియా ప్రభుత్వ వార్తా సంస్థ 'సనా' పేర్కొంది. గోలన్ హైట్స్ క్షిపణి కేంద్రం నుంచి ఈ రాకెట్ దాడులు జరిగాయని తెలిపింది. వీటిని సిరియా ఆర్మీ సమర్థవంతంగా తిప్పికొట్టిందని.. ఇజ్రాయెల్ క్షిపణులను నేలకూల్చేసిందని వెల్లడించింది.
అయితే, విదేశీ భూభాగంలో దాడులు చేసినట్టుగా వచ్చిన వార్తలపై స్పందించేది లేదని ఇజ్రాయెల్ స్పష్టం చేసింది.
దాడులు ఆపాలి..
మరోవైపు, ఇజ్రాయెల్ చేస్తున్న వరుస దాడులపై అంతర్జాతీయ సమాజం స్పందించాలని సిరియా డిమాండ్ చేస్తోంది. దాడులను ఆపేలా ఇజ్రాయెల్పై ఐక్యరాజ్య సమితి భద్రతా మండలి ఒత్తిడి తేవాలని కోరుతోంది. ఈ చర్యలు తమ సార్వభౌత్వాన్ని ఉల్లంఘించడమేనని స్పష్టం చేస్తోంది. ఈ ప్రాంతంలో ఉద్రిక్తతలు పెంచేలా ఇజ్రాయెల్ చర్యలున్నాయని మండిపడుతోంది.
ఇదీ చదవండి: సిరియాలో కారు బాంబు దాడులు- 12 మంది మృతి
