ఇరాక్​లో బాంబు దాడి.. ఏడుగురు మృతి

ఇరాక్​లో బాంబు పేలి ఏడుగురు చనిపోయారు. వీరిలో ఆరు భద్రతా సిబ్బంది మరణించగా.. ఒక పౌరుడు ప్రాణాలు విడిచినట్లు అధికారులు తెలిపారు. నినెవెహ్ రాష్ట్ర రాజధాని మోసుల్‌లో ఈ ఘటన జరిగింది.

ఇరాక్​ పశ్చిమ ప్రాంతంలో జరిగిన బాంబు దాడిలో ఏడుగురు ప్రాణాలు కోల్పోయారు. చనిపోయిన వారిలో భద్రతా సిబ్బంది ఆరుగురు ఉండగా.. ఓ స్థానికుడు మరణించినట్లు ఆ దేశ మీడియా వర్గాలు తెలిపాయి. మరో ఇద్దరికి గాయాలైనట్లు వెల్లడించాయి. ఈ పేలుడు నినెవెహ్​ రాజధాని మోసుల్​కు 100 కి.మీ దూరంలోని గ్రామంలో జరిగింది.

దీని వెనుక ప్రముఖ ఉగ్రవాద సంస్థ ఇస్లామిక్​ స్టేట్​ ఉన్నట్లు భావిస్తున్నారు. గతంలో ఈ ప్రాంతం వారి​ అధీనంలోనే ఉండేది.