చైనాలో ఘోర అగ్ని ప్రమాదం జరిగింది. ఆ దేశ రాజధాని బీజింగ్లోని చాంగ్ఫెంగ్ ఆస్పత్రి భవనంలో మంటలు చెలరేగాయి. ఈ ఘటనలో 21 మంది దుర్మరణం పాలయ్యారు. అగ్ని ప్రమాదంపై సమాచారం అందుకున్న ఎమర్జెన్సీ సిబ్బంది.. దాదాపు గంటపాటు శ్రమించి మంటలను ఆదుపులోకి తీసుకొచ్చారు. ఆస్పత్రిలో ఉన్న 71 మందిని సురక్షిత ప్రాంతాలకు తరలించారు. మధ్యాహ్నం 3.30 గంటల వరకు సహాయక చర్యలు కొనసాగాయి. ఈ ఘటనకు గల కారణాలపై అధికారులు దర్యాప్తు చేస్తున్నారు.
ఫ్యాక్టరీలో అగ్ని ప్రమాదం.. 11 మంది మృతి
చైనా జెజియాంగ్ ప్రావిన్సులోని జిన్హువా నగరం వుయి కౌంటీలోని ఓ ఫ్యాక్టరీలో ఘోర అగ్ని ప్రమాదం జరిగింది. ఈ ప్రమాదంలో 11 మంది చనిపోయారు. సోమవారం మధ్యాహ్నం 2 గంటలకు ఫ్యాక్టరీలో మంటలు చెలరేగాయి. సమాచారం అందుకున్న అగ్నిమాపక సిబ్బంది, పోలీసులు ఘటనా స్థలానికి చేరుకున్నారు. మంగళవారం ఉదయం 4 గంటల వరకు మంటలను అదుపులోకి తీసుకొచ్చారు.
చెక్క తలుపులు, పెయింట్ లాంటివి తయారు చేసే ప్లాంట్‌లో మంటలు చెలరేగినట్లు అధికారులు తెలిపారు. ఈ ప్రమాధానికి బాధ్యులైన వారిని అదుపులోకి తీసుకున్నామని.. ఈ ఘటనపై మరింత లోతుగా విచారణ జరుపుతున్నామని అధికారులు ఓ ప్రకటనలో తెలిపారు.
అగ్ని ప్రమాదంలో 31 మంది మృతి..
కొన్నాళ్ల క్రితం చైనాలో జరిగిన ఘోర అగ్నిప్రమాదంలో 17 మంది మరణించారు. మరో ముగ్గురు గాయపడ్డారు. జిలిన్ రాష్ట్ర రాజధాని చాంగ్చున్లోని ఓ రెస్టారెంట్లో ఒక్కసారిగా మంటలు చెలరేగాయి. అవి వేగంగా వ్యాపించాయి. సమాచారం అందిన వెంటనే అధికారులు సహాయ చర్యలు చేపట్టారు. క్షతగాత్రుల్ని ఆస్పత్రికి తరలించారు. న్యూ ఏరియా ఇండస్ట్రియల్ జోన్లోని హైటెక్ ప్రాంతంలో ఈ అగ్ని ప్రమాదం జరిగిందని అధికారులు తెలిపారు. జిలిన్ రాష్ట్ర రాజధాని అయిన చాంగ్చున్.. వాహనాల తయారీ కేంద్రంగా ప్రసిద్ధి. ఇదే ప్రాంతంలో 2021లో అగ్ని ప్రమాదం సంభవంచి 14 మంది ప్రాణాలు కోల్పోయారు. జింగ్యే హైటెక్ ఇండస్ట్రియల్ డెవలప్మెంట్ జోన్ ప్రాంతంలో ఈ ఘటన జరిగినట్లు అధికారులు వెల్లడించారు. ఈ ప్రమాదంలో 26 మందికి తీవ్రంగా గాయాలయ్యాయి.
ఆయిల్ ట్యాంకర్ పేలి 18 మంది దుర్మరణం..
రెండు నెలల క్రితం చైనాలో ఆయిల్ ట్యాంకర్ పేలిన ఘటనలో మృతుల 18 మంది దుర్మరణం పాలయ్యారు. మరో 166 మందికి గాయాలయ్యాయి. క్షతగాత్రులను వివిధ ఆస్పత్రులకు తరలించారు. ఝెజియాంగ్ రాష్ట్రంలోని వెన్లింగ్ నగరం సమీపంలోని షెన్యాంగ్-హైకో ఎక్స్ప్రెస్ వేలో ఆయిల్ ట్యాంకర్ పేలిపోయింది. దీంతో ప్రధాన రహదారిపై ఉన్న కార్లు, వాహనాలకు మంటలు అంటుకున్నాయి.
