ఘోర రోడ్డు ప్రమాదం.. 20 మంది దుర్మరణం.. 15 మందికి గాయాలు

కొలంబియాలో బస్సు బోల్తా పడిన ఘటనలో 20 మంది మృతి చెందగా.. మరో 15 మంది గాయపడ్డారు. సమాచారం అందుకున్న అధికారులు.. సహాయక చర్యలు చేపట్టారు.

Colombia Bus Accident: కొలంబియాలో ఘోర రోడ్డు ప్రమాదం జరిగింది. నైరుతి కొలంబియాలో పాన్​ అమెరికన్​ హైవేపై బస్సు బోల్తా పడింది. శనివారం జరిగిన ఈ ఘటనలో 20 మంది ప్రయాణికులు చనిపోగా.. మరో 15 మంది గాయపడ్డారు.
సమాచారం అందుకున్న పోలీసులు సహాయక చర్యలు చేపట్టారు. గాయపడిన వారిని స్థానిక ఆస్పత్రికి తరలించారు. అయితే పొగమంచు ఎక్కువగా ఉండడం వల్ల సహాయక చర్యలకు సమయం ఎక్కువ పట్టిందని అధికారులు చెప్పారు. అయితే బ్రేకులు ఫెయిల్​ అవ్వడం వల్లే ఘోర ప్రమాదం జరిగి ఉంటుందని అధికారులు అంచనా వేస్తున్నారు.

ఇదీ చదవండి: రష్యా సైనికులపై కాల్పులు.. 11 మంది మృతి.. మరో 15 మందికి పైగా..