ప్రపంచంపై కరోనా వైరస్ పంజా విసురుతోంది. రోజురోజుకు కొత్త కేసులు భారీగా వెలుగుచూస్తున్నాయి. ఇప్పటివరకు ప్రపంచవ్యాప్తంగా 1,19,48,244 కేసులు నమోదయ్యాయి. 5,46,547మంది కరోనాకు బలయ్యారు. అమెరికా, బ్రెజిల్ సహా ప్రపంచ దేశాలు వైరస్ ధాటికి గడగడలాడుతున్నాయి.
| దేశం | కేసులు | మరణాలు |
| అమెరికా | 30,97,084 | 1,33,972 |
| బ్రెజిల్ | 16,74,665 | 66,868 |
| రష్యా | 6,94,230 | 10,495 |
| పెరూ | 3,09,278 | 10,952 |
| చిలీ | 3,01,019 | 6,434 |
| స్పెయిన్ | 2,99,210 | 28,392 |
| బ్రిటన్ | 2,86,349 | 44,391 |
| మెక్సికో | 2,68,009 | 32,014 |
| ఇరాన్ | 2,45,688 | 11,931 |
45వేల కేసులు...
బ్రెజిల్లో కరోనా వైరస్ ప్రకంపనలు కొనసాగుతున్నాయి. ఒక్కరోజు వ్యవధిలో 45,305కేసులు వెలుగులోకి వచ్చాయి. దీంతో దేశవ్యాప్తంగా ఇప్పటివరకు వైరస్ కేసుల సంఖ్య 16,74,665 కేసులు నమోదయ్యాయి. 1,254 తాజా మరణాలతో మొత్తం మృతుల సంఖ్య 66,868కి పెరిగింది.
అయితే బ్రెజిల్లో ఇప్పటివరకు 9,76,977మంది వైరస్ను జయించారు.
ఇదీ చూడండి:- ఆ దేశాధ్యక్షుడికి కరోనా పాజిటివ్
ఆ విమానాలపై నిషేధం..
కరోనా సృష్టించిన విలయతాండవాన్ని స్పెయిన్ వాసులు ఇప్పట్లో మర్చిపోలేరు. అయితే స్పెయిన్ రాజధాని రోమ్కు సమీపంలో నివసిస్తున్న బంగ్లాదేశీయుల సంఘంలో కొత్త క్లస్టర్ ఏర్పడింది. ఇటీవలే బంగ్లాదేశ్ నుంచి తిరిగొచ్చిన ఓ ఉద్యోగితో ఇది మొదలైందని అధికారులు భావిస్తున్నారు. దీంతో ప్రభుత్వం అప్రమత్తమైంది. బంగ్లాదేశ్కు చెందిన విమాన సేవలను నిషేధించింది. ఈ నిషేధం ఒక వారం పాటు ఉండనుంది.
ఇదీ చూడండి:- డబ్ల్యూహెచ్ఓ నుంచి అమెరికా వైదొలిగేది అప్పుడే..!
