బెలూన్ ఎక్కి గాలిలో విహరిద్దాం రండి..!
ఒకే చోట 500 హాట్ ఎయిర్ బెలూన్లు గాలిలో ఎగరడం చూశారా?...అయితే రండి ఫ్రాన్స్లో ఇప్పుడు బెలూన్ ఫెస్టివల్ నిర్వహిస్తున్నారు. ప్రపంచంలోనే అతి పెద్ద బెలూన్ ప్రదర్శన కూడా ఇదే.. 10 రోజులపాటు జరిగే ఈ వేడుకలో 50 దేశాల నుంచి ఔత్సాహికులు పాల్గొంటున్నారు.
రకరకాల ఆకృతులతో కనువిందు చేసే భారీ బెలూన్లు.. ఈ అరుదైన దృశ్యం వీక్షకుల్ని అబ్బురపరుస్తోంది. లక్షలాది మంది బెలూన్లలో ఎక్కి విహంగ వీక్షణం అనుభూతి పొందేందుకు అత్యంత ఆసక్తి చూపిస్తున్నారు.
రెండేళ్లకోసారి ఫ్రాన్స్లో నిర్వహించే ఈ బెలూన్ ఫెస్టివల్ని ప్రారంభించి ఇప్పటికి 30 ఏళ్లు అవుతోంది. గతంలో గంటలోపు ఏకంగా 456 బెలూన్లను ఒకేసారి గాలిలో ప్రదర్శించి.. గిన్నిస్ బుక్ రికార్డులో చోటు సంపాందించిందీ కార్యక్రమం. ఈ సారి ఆ ఘనతను అధిగమించలేదు.
