చిన్నారులకు కరోనా టీకా వేయడం ప్రపంచ ఆరోగ్య సంస్థ దృష్టిలో ప్రాధాన్యాంశం కాదని డబ్ల్యూహెచ్ఓ వ్యాక్సిన్ నిపుణురాలు కేట్ ఓ బ్రైన్ తెలిపారు. చిన్న పిల్లలపై మహమ్మారి ప్రభావం అంత తీవ్రంగా ఉండదని.. ప్రాణాంతం కూడా కాదని పేర్కొన్నారు.
పిల్లలను పాఠశాలలకు పంపే ముందే వ్యాక్సినేట్ చేయడం కూడా అత్యవసరం ఏమీ కాదన్న కేట్.. వాళ్లను పాఠశాలలో చూసుకునే సిబ్బందికి, ఉపాధ్యాయులకు ఇవ్వడం మంచి ఆలోచనని అన్నారు.
అయితే ఇప్పటికే కెనడా, అమెరికా సహా కొన్ని ఐరోపా దేశాలు 12 నుంచి 15 ఏళ్ల లోపు వారికి టీకా ఇస్తున్నాయి. పిల్లలకు, అవసరం లేని వారికి వేస్తున్న టీకాలను పేద దేశాలకు ఇవ్వాలని ఇప్పటికే డబ్ల్యూహెచ్ఓ డైరెక్టర్ జనరల్ టెడ్రోస్ అధనోమ్ విజ్ఞప్తి చేశారు.
ప్రపంచవ్యాప్తంగా నేటివరకు ఇచ్చిన టీకాల్లో 1 శాతం మాత్రమే పేద దేశాలకు అందాయి.
ఇదీ చదవండి : వ్యాక్సిన్ బూస్టర్‌ డోసులు అవసరమా?
