ప్రపంచంపై కరోనా రక్కసి కోరలు చాస్తోంది. ప్రపంచవ్యాప్తంగా ఇప్పటివరకు 4.58 కోట్ల మందికిపైగా వైరస్ బారిన పడ్డారు. వారిలో 11లక్షల 93వేల మందికిపైగా ప్రాణాలు కోల్పోయారు. కొవిడ్ బారినపడిన వారిలో 3కోట్ల 32లక్షల మంది కోలుకున్నారు. ప్రస్తుతం 1.14 కోట్ల యాక్టివ్ కేసులు ఉన్నాయి. అమెరికాలో రోజు వారీ కేసుల సంఖ్య లక్ష మార్క్ను దాటింది. శుక్రవారం ఒక్కరోజే రికార్డు స్థాయిలో 1,01,461 కరోనా కేసులు వెలుగుచూశాయి. ఫలితంగా బాధితుల సంఖ్య 93లక్షల 16వేల 297కు చేరింది. వైరస్ ధాటికి మరో 988 మంది బలవ్వగా.. మరణాల సంఖ్య 2లక్షల 35వేలకు ఎగబాకింది. అగ్రరాజ్యంలో రెండువారాల వ్యవధిలోనే సుమారు 10లక్షల కేసులు నమోదయ్యాయని జాన్హాప్కిన్స్ విశ్వవిద్యాలయం వెల్లడించింది. అక్టోబర్ 16న 80లక్షలుగా ఉన్న కేసుల సంఖ్య.. 14రోజుల్లోనే 90లక్షలకు చేరిందని పేర్కొంది.
- బ్రెజిల్లో వైరస్ కేసులు స్థిరంగా పెరుగుతూనే ఉన్నాయి. మరో 23వేల మంది కొవిడ్ బారినపడ్డారు. మొత్తం బాధితుల సంఖ్య 55లక్షలు దాటింది. ఆ దేశంలో ఇప్పటివరకు లక్షా 59వేల 562మంది చనిపోయారు.
- జర్మనీలోనూ కరోనా విజృంభణ కొనసాగుతోంది. మరో 18,681 కొవిడ్ కేసులు వెలుగుచూడగా.. బాధితుల సంఖ్య 5 లక్షలకు చేరువైంది. ఆ దేశంలో ఇప్పటివరకు 10,349 మంది కరోనాతో మృతిచెందారు.
- బ్రిటన్లో మరో 24,405 మందికి కొవిడ్ పాజిటివ్గా నిర్ధరణ అయింది. మొత్తం కేసుల సంఖ్య 9లక్షల 89వేల 745కు చేరింది. మహమ్మారి ధాటికి ఇప్పటివరకు అక్కడ 46,229 మంది బలయ్యారు.
- స్పెయిన్లో కరోనా మరోసారి కోరలు చాస్తోంది. ఒక్కరోజులోనే 25,595 కొవిడ్ కేసులు బయటపడ్డాయి. బాధితుల సంఖ్య 12లక్షల 64వేలకు ఎగబాకింది. కరోనాతో ఇప్పటివరకు అక్కడ 35,878 మంది మరణించారు.
- ఇటలీలో రికార్డుస్థాయిలో కొవిడ్ కేసులు నమోదవుతున్నాయి. శుక్రవారం 31వేల మందికిపైగా కరోనా పాజిటివ్గా తేలింది. మొత్తం కేసుల సంఖ్య 64లక్షల 76వేలు దాటింది. కొవిడ్ సోకిన వారిలో 38,321 మంది మృతిచెందారు.
- బెల్జియంలో ఒక్కరోజులోనే రికార్డుస్థాయిలో 23వేల మందికిపైగా కొవిడ్ బారినపడ్డారు. కేసుల సంఖ్య 40లక్షలకు చేరువైంది.
- ఇరాన్లో బుధవారం ఒక్కరోజే 6వేలకుపైగా కరోనా కేసులు బయటపడ్డాయి. బాధితుల సంఖ్య 5.88 లక్షలు దాటింది. మరో 415 మంది మృతితో.. మరణాల సంఖ్య33,714కు పెరిగింది.
- పాక్లో ఇప్పటివరకు 3లక్షల 32వేల మందికిపైగా వైరస్ సోకింది. వారిలో 6,795 మంది ప్రాణాలు కోల్పోయారు. శుక్రవారం నిర్వహించిన కొవిడ్ పరీక్షల్లో 12 మంది న్యాయమూర్తులకు పాజిటివ్గా నిర్ధరణ అయింది. ఫలితంగా ఆయా న్యాయమూర్తులు పనిచేసే 11 కోర్టులను మూసివేస్తున్నట్టు పాక్ సర్కార్ ప్రకటించింది.
ఇదీ చదవండి- 'యాంటీవైరల్ పొర' మాస్కులతో కరోనాకు చెక్!
