బ్రిటన్ రాజధాని లండన్లోని ఇంపీరియల్ కళాశాల వ్యాక్సిన్ తయారీ దిశగా మరో ముందడుగు వేసింది. 300 మంది సంపూర్ణ ఆరోగ్యవంతులకు పరిశోధనాత్మక వ్యాక్సిన్ను ఇవ్వనుంది. తమ కళాశాలకు చెందిన విద్యార్థులపై వ్యాక్సిన్ను ప్రయోగించనుంది. ఇందులో భాగంగా రెండు డోసుల వ్యాక్సిన్ను ఇవ్వనున్నట్లు స్పష్టం చేసింది. ఇంపీరియల్ కళాశాల తయారుచేసిన ఈ వ్యాక్సిన్ తయారీకి బ్రిటన్ ప్రభుత్వం 51 మిలియన్ డాలర్ల ఆర్థిక సహకారాన్ని అందించింది.
ఇప్పటివరకు ల్యాబొరేటరీలో జంతువులపై వ్యాక్సిన్ను పరీక్షించినట్లు చెప్పారు శాస్త్రవేత్తలు. వైరస్తో బాధపడే రోగులతో పోలిస్తే ఆయా జంతువుల్లో యాంటీబాడీలు అధికస్థాయిలో ఉత్పత్తి అయినట్లు చెప్పారు.
"దీర్ఘకాలికంగా బలహీనంగా ఉన్నవారి కోసం ఓ కీలక వ్యాక్సిన్ను తయారుచేయాలి. ఆంక్షలను సడలించి ప్రజా జీవనాన్ని సాధారణ స్థితికి తీసుకురావాలి."
-రాబిన్ షాటోక్, పరిశోధకుడు
ఈ వ్యాక్సిన్ను ఒకసారి ఇస్తే శరీరంలోని కణాలు కరోనాకు వ్యతిరేకంగా ప్రొటీన్ను ఉత్పత్తి చేయడంలో దోహాదపడుతుంది.
ఇప్పటికే 12 వ్యాక్సిన్లను వేలమందిపై ప్రయోగించారు. అయితే వైరస్ను నియంత్రించడంలో ఏది సమర్థంగా పోరాడనుందో ఫలితాలు బయటకు రాలేదు. ఈ ఏడాది చివరి వరకు వ్యాక్సిన్ తయారయ్యే అవకాశం ఉందని విశ్లేషకులు భావిస్తున్నారు.
ఆక్స్ఫర్డ్ విశ్వవిద్యాలయం ఇటీవలే 10వేలమందిపై అడ్వాన్స్ స్టడీని ప్రారంభించింది. అమెరికా.. జులైలో 30 వేలమందిపై ఆక్స్ఫర్డ్, జాతీయ ఆరోగ్య సంస్థ వ్యాక్సిన్లను ప్రయోగించనుంది.
ఇంత తక్కువ వ్యవధిలో శాస్త్రవేత్తలు వ్యాక్సిన్ను తయారుచేయడం ఇదే తొలిసారి. అయితే ఇప్పటికే బ్రిటన్, ఫ్రాన్స్, జర్మనీ, నెదర్లాండ్స్, అమెరికా వ్యాక్సిన్ కోసం ముందస్తు బుకింగ్ చేశాయి.
ఇదీ చూడండి: ఐరాస వేదికగా పాక్పై మరోసారి భారత్ ధ్వజం
