'లాక్​డౌన్​ వంకతో నిరసనలపై ఉక్కుపాదం'

లాక్​డౌన్​ నిబంధల నుంచి తమకు మినహాయింపునివ్వాలని నిరసనకారులు లండన్​లో ఆందోళన చేశారు. శాంతియుత నిరసనలపై ఆంక్షలు విధించడం సరికాదని అన్నారు.

కరోనా వంకతో నిరసనలను ప్రభుత్వం నిషేధం విధించడానికి ప్రయత్నిస్తోందని బ్రిటన్​ ప్రజలు ఆరోపించారు. లాక్​డౌన్​ సమయంలోనూ తము నిరసనలు తెలిపేలా మినహాయింపు ఇవ్వాలని, మానవహక్కుల కార్యకర్తలు.. ప్రత్యేకంగా జాతివివక్షపై పోరాడుతున్న వ్యక్తులు లండన్​లో​ ఆందోళనకు దిగారు. నిరసనలు తెలిపే హక్కును ఎట్టి పరిస్థితుల్లోనూ వదలుకునే ప్రసక్తే లేదని స్పష్టం చేశారు.

లాక్​డౌన్​ నిబంధనలను ఖాతరు చేయకుండా వేలమంది.. లండన్​లో నిరసనలు తెలిపారు. ఈ క్రమంలో పోలీసులకు, నిరసనకారులకు మధ్య తోపులాట జరిగింది. కొందరు ఆందోళనకారులను పోలీసులు అదుపులోకి తీసుకున్నారు.

మరోవైపు... శాంతియుత నిరసనలకు లాక్​డౌన్​​ ​నిబంధల నుంచి మినహాయింపు ఇవ్వాలని బ్రిటన్​ హోంమంత్రి ప్రీతి పటేల్​కు 60మంది ఎంపీలు లేఖ రాశారు.

బ్రిటన్​లో కరోనా వ్యాప్తి దృష్ట్యా లాక్​డౌన్​ అమలు చేస్తున్నారు. ఇందులో భాగంగా ఎటువంటి నిరసన కార్యక్రమాలకు అనుమతించటం లేదు.

ఇదీ చదవండి: మహిళల నిరసనలతో దిగొచ్చిన యూకే ప్రభుత్వం