కన్న కొడుకుని 28ఏళ్లపాటు నిర్బంధించిన తల్లి!

స్వీడన్​కు చెందిన ఓ వృద్ధురాలు తన కుమారుడిని 28ఏళ్ల పాటు అపార్ట్‌మెంటులోని ఓ గదిలో బంధించినట్లు పోలీసులు అనుమానిస్తున్నారు. వృద్ధురాలి బంధువు ఇచ్చిన సమాచారంతో ఘటనా స్థలికి ​చేరుకున్న పోలీసులు కుమారుడ్ని ఆసుపత్రికి తరలించారు. తల్లిపై కేసు నమోదు చేసి దర్యాప్తు చేస్తున్నారు.

స్వీడన్​ రాజధాని స్టాక్​ హోమ్​లోని ఓ అపార్ట్​మెంట్​లో ఉండే వృద్ధురాలు దాదాపు 28ఏళ్లపాటు తన కుమారుడిని ఓ గదిలో బంధించినట్లు పోలీసులు అనుమానిస్తున్నారు. ప్రస్తుతం బాధితుని వయసు 41ఏళ్లు కాగా.. 13ఏళ్ల వయస్సులో అతన్ని నిర్బంధించినట్లు భావిస్తున్నారు.

ఏం జరిగింది?

ఇటీవల తీవ్ర అనారోగ్యానికి గురైన సదరు మహిళ.. దూరపు బంధువుకు ఫోన్ చేసి తనను ఆసుపత్రికి తీసుకెళ్లాలని అభ్యర్థించింది. ఆమె ఇంటికి వచ్చిన బంధువు గదిలో బందీగా ఉన్న ఆ మహిళ కుమారుడ్ని గుర్తించి పోలీసులకు సమాచారం ఇచ్చింది. ఘటనా స్థలికి చేరుకున్న పోలీసులు నిర్బంధంలో ఉన్న కుమారుడ్ని ఆసుపత్రికి తరలించారు. కేసు నమోదు చేసుకున్న పోలీసులు వృద్ధురాలు, కుమారుడితోపాటు బంధువును విచారిస్తున్నారు.

కుమారుడ్ని 28ఏళ్లు నిర్బంధించి అతని స్వేచ్ఛను హరించటంతోపాటు పలుమార్లు గాయపరిచిందని న్యాయవాది ఎమ్మా ఓల్​సన్​ తెలిపారు.

ఇదీ చదవండి: ఆ నగరంపై దుండగులు దండయాత్ర- బ్యాంక్​ లూటీ