Omicron severity: డెల్టా కంటే ఒమిక్రాన్ వేరియంట్ డేంజరా? ఒమిక్రాన్పై టీకాలు పని చేయవా? గతంలో కరోనా బారినపడ్డవారు కూడా 'ఒమిక్రాన్' బాధితులుగా మారాల్సిందేనా? ఈ ప్రశ్నలకు స్పష్టమైన సమాధానాలు కరవయ్యాయి. కరోనా డెల్టా వేరియంట్ కంటే ఒమిక్రాన్ వేరియంట్ తక్కువ తీవ్రతను కలిగిస్తుందనడానికి ఎలాంటి ఆధారాలు లేవు అని బ్రిటన్ శాస్త్రవేత్తల అధ్యయనంలో తేలింది. అంతేగాకుండా.. గతంలో వైరస్ సోకడం ద్వారా లేదా టీకా తీసుకోవడం వల్ల కలిగే రోగ నిరోధక శక్తినీ ఏమార్చే సామర్థ్యం ఈ వేరియంట్కు ఉన్నట్లు వెల్లడైంది.
Omicron reinfection: ఒమిక్రాన్ తీవ్రత, ప్రభావాలను అంచనా వేసేందుకు లండన్‌లోని ఇంపీరియల్ కాలేజీ పరిశోధకులు ఈ అధ్యయనం చేశారు. ఒమిక్రాన్ వేరియంట్తో రీఇన్ఫెక్షన్ ముప్పు డెల్టా వేరియంట్ కంటే 5.4 రెట్లు అధికం అని పరిశోధకులు తెలిపారు. ఇన్‌ఫెక్షన్‌ నుంచి పొందిన రక్షణను 19శాతం తగ్గిస్తున్నట్లు అంచనా వేశారు.
"డెల్టా కంటే ఒమిక్రాన్ తక్కువ తీవ్రతను కలిగిస్తుందనడానికి ఎలాంటి ఆధారాలు లేవు. లక్షణాలతో పాజిటివ్గా తేలిన వ్యక్తులు, వైరస్తో ఆస్పత్రుల్లో చేరిన వ్యక్తుల ఆధారంగా ఇది నిర్ధరణ అవుతుంది. అయితే.. ప్రస్తుతానికి ఆస్పత్రుల్లో చేరేవారి సమాచారం మాత్రం తక్కువగా ఉంది."
- పరిశోధకులు
ఇదీ చూడండి: ప్రపంచాన్ని ఒమిక్రాన్ చుట్టుముడుతోంది..మూడో డోసు తప్పనిసరి!
Deltva vs Omicron: బ్రిటన్లో నవంబరు 29 నుంచి డిసెంబరు 11 మధ్య ఆర్టీపీసీఆర్ పరీక్షల్లో కరోనా పాజిటివ్ తేలిన కేసులపై పరిశోధకులు ఈ అధ్యయనం చేశారు. వీరి నివేదిక ఇంకా ప్రచురితం కాలేదు. ఎస్ జీన్ టార్గెట్ ఫెయిల్యూర్(ఎస్జీటీఎఫ్) కారణంగా ఒమిక్రాన్ బారినపడినట్లు గుర్తించిన వ్యక్తులు సహా జన్యు పరీక్షల్లో ఒమిక్రాన్ సోకినట్లు తేలిన కేసుల సమాచారాన్ని పరిశోధకులు పరిగణనలోకి తీసుకున్నారు. మొత్తం 1,96,463 మంది ఎస్ జీన్ టార్గెట్ ఫెయిల్యూర్ కాని వ్యక్తులు, 11,329 ఎస్ జీన్ టార్గెట్ ఫెయిల్యూర్ వ్యక్తులు, 1,22,063 మంది డెల్టా బాధితులు, 1,846 ఒమిక్రాన్ బాధితులపై ఈ అధ్యయనం జరిగింది.
Omicron doubling rate: ప్రతి రెండు రోజులకొకసారి ఒమిక్రాన్ కేసుల సంఖ్య రెట్టింపు స్థాయికి చేరుతోందని పరిశోధకులు గుర్తించారు. ఒమిక్రాన్ రీప్రొడక్షన్ నంబర్(ఆర్ నంబర్).. 3 కంటే అధికంగా ఉందని తేలిందని చెప్పారు. "గతంలో వైరస్ సోకడం ద్వారా, వ్యాక్సినేషన్ ద్వారా అందించిన రోగనిరోధక శక్తిని ఒమిక్రాన్ ఎంతమేర ఏమార్చగలదానిపై ఈ అధ్యయనం మరిన్ని ఆధారాలను అందించింది. ఈ స్థాయిలో రోగ నిరోధక శక్తి నుంచి తప్పించుకోవడం ఇది ప్రజారోగ్యానికి భారీ ముప్పును కలిగిస్తుంది" అని ఇంపీరియల్ కాలేజీ లండన్కు చెందిన ప్రొఫెసర్ నీల్ పెర్గూసన్ తలిపారు.
ఇదీ చూడండి: Third Wave In India: 'వచ్చే ఏడాది ప్రారంభంలో కరోనా థర్డ్ వేవ్'
ఇదీ చూడండి: India omicron variant: 'ఒమిక్రాన్'తో మరో ముప్పు తప్పదా?
