ఆస్ట్రాజెనెకా రూపొందించిన టీకాను స్పుత్నిక్-వి వ్యాక్సిన్తో కలిపి ప్రయోగించేందుకు రంగం సిద్ధమైంది. బ్రిటన్ ఫార్మా సంస్థ ఆస్ట్రాజెనెకాతో ఇందుకు ఒప్పందం కుదిరినట్టు రష్యాకు చెందిన గమలేయా సంస్థ ప్రకటించింది. సుత్నిక్ను కలపడం ద్వారా ఆస్ట్రాజెనెకా టీకా మరింత ప్రభావవంతంగా పనిచేస్తుందని రష్యన్ శాస్త్రవేత్తలు భావిస్తున్నట్టు వెల్లడించింది.
ఈ ఒప్పందంపై అధ్యక్షుడు వ్లాదిమిర్ పుతిన్ ఆశాభావం వ్యక్తం చేశారు.
"ఈ ఒప్పందం ద్వారా వ్యాక్సిన్లు, ముఖ్య ఔషధాలు రూపొందించడంలో మరింత పురోగతి సాధ్యమవుతుంది."
-వ్లాదిమిర్ పుతిన్, రష్యా అధ్యక్షుడు.
విమర్శలు వస్తున్నా..
రెండు టీకాలు కలిపి ప్రయోగిద్దామని రష్యన్ శాస్త్రవేత్తలు నెల క్రితమే ఆస్ట్రాజెనెకాకు ప్రతిపాదించారు. ఆస్ట్రాజెనికా ఇందుకు అంగీకరించింది.
సరైన పరీక్షలు నిర్వహించకుండా స్పుత్నిక్కు అనుమతి ఇవ్వడంపై రష్యా తీవ్ర విమర్శలు ఎదుర్కోంటోంది. అయితే... తమ వ్యాక్సిన్ 91శాతం ప్రభావితమని ఇటీవలె గమలేయ సెంటర్ ప్రకటించింది. ఆస్ట్రాజెనెకా, ఆక్స్ఫర్డ్ విశ్వవిద్యాలయం సంయుక్తంగా రూపొందించిన వ్యాక్సిన్ 70 శాతం ప్రభావితమని పరీక్షల్లో వెల్లడైంది.
ఇదీ చదవండి : కొవిషీల్డ్, స్పుత్నిక్-వీ టీకాలు కలిపి ప్రయోగం
