కొవిడ్-19కు రూపొందుతున్న టీకాల్లో తుది విడత క్లినికల్ ప్రయోగాల ఫలితాలను ప్రచురించిన తొలి సంస్థగా ఆక్స్ఫర్డ్ విశ్వవిద్యాలయం గుర్తింపు పొందింది. ఈ వివరాలను మంగళవారం ప్రముఖ వైద్య పత్రిక లాన్సెట్లో ప్రచురించింది. ఫలితంగా వ్యాక్సిన్ ఉత్పత్తి రేసులో కీలక అడ్డంకిని అధిగమించింది. ఈ వ్యాక్సిన్ సురక్షితమేనని.. సగటున 70.4 శాతం సమర్థతను చాటిందని ఆ అధ్యయనం పేర్కొంది.
మూడోదశ క్లినికల్ ట్రయల్స్కు సంబంధించిన మధ్యంతర విశ్లేషణలో ఈ విషయం వెల్లడైందని తెలిపింది. ఈ ప్రయోగాల్లో 20వేల మందికిపైగా పాల్గొన్నారు. రెండు పూర్తిస్థాయి డోసులు పొందినవారిలో టీకా 62 శాతం సమర్థంగా పనిచేసిందని.. మొదట అరడోసు, ఆ తర్వాత పూర్తి డోసు తీసుకున్న వారిలో 90శాతం సమర్థత కనిపించిందని అధ్యయనం వెల్లడించింది.
ఇదీ చదవండి: 'కరోనాను ఎదుర్కొనే సమర్థత ఫైజర్కు ఉంది'
