ఓ మహిళా పోలీసు అధికారిపై దుండగుడు కత్తితో దాడి చేశాడు. ఆ తర్వాత ఇద్దరు పోలీసు అధికారులపై కాల్పులు జరిపాడు. అక్కడి నుంచి పారిపోయిన దుండగుడి కోసం ఓ హెలికాప్టర్ సహా వందల మంది పోలీసులు రంగంలోకి దిగి నిందితుడ్ని హతమార్చారు. ఈ ఘటన పశ్చిమ ఫ్రాన్స్లోని ఓ పోలీస్ స్టేషన్లో జరిగింది.
దుండగుడి వివరాలు తెలుసుకుంటున్నట్లు ఫ్రాన్స్ జాతీయ భద్రతా విభాగం తెలిపింది. ఈ ఘటనలో ముగ్గురు అధికారులు గాయపడ్డారని, అయితే.. ప్రాణనష్టం తప్పిందని పేర్కొంది.
ఇదీ జరిగింది..
నాంటెస్ శివారు లా చాపెల్లే-సుర్-ఎర్డ్రేలోని పోలీస్ స్టేషన్లోకి ప్రవేశించిన దుండగుడు ఓ మహిళా అధికారిపై కత్తితో దాడి చేశాడు. ఆమె తుపాకీ లాక్కొని అక్కడి నుంచి పరారయ్యాడు. అతని కోసం ఓ హెలికాప్టర్, స్నిఫ్ఫర్ డాగ్స్ సహా 200 మంది పోలీసులు రంగంలోకి దిగారు. సమీపంలోని పాఠశాలలు, దుకాణాల్లో సోదాలు నిర్వహించారు.
ఈ క్రమంలోనే దుండగుడిని గుర్తించి, అరెస్ట్ చేసేందుకు ప్రయత్నించిన పోలీసులపై కాల్పులు జరిపాడు. ఇద్దరు అధికారులకు తూటాలు తగిలాయి. పోలీసులు జరిపిన కాల్పుల్లో తీవ్రంగా గాయపడి.. మృతి చెందినట్లు తెలిపారు.
ఇదీ చూడండి: గాజా వివాదంపై ఓటింగ్కు భారత్ దూరం
