ప్రపంచవ్యాప్తంగా కొవిడ్ విజృంభణ కొనసాగుతోంది. ఇప్పటివరకు సుమారు 2కోట్ల 90 లక్షల మందికి కరోనా సోకింది. 9 లక్షల 25వేల మందికిపైగా మహమ్మారితో మృతిచెందారు. 20.8 లక్షల మందికిపైగా వైరస్ను జయించగా.. 72 లక్షలకుపైగా యాక్టివ్ కేసులు ఉన్నాయి. మెక్సికోలో మరణాల సంఖ్య అంతకంతకూ పెరిగిపోతూ.. తాజాగా 70వేల మార్కును దాటింది.
- కరోనా కేసులలో మొదటి స్థానంలో ఉన్న అమెరికాలో ఇప్పటివరకు 66.78 లక్షల మందికి వైరస్ సోకింది. మొత్తం 1.98లక్షల మంది వైరస్ కారణంగా మృత్యువాతపడ్డారు.
- బ్రెజిల్లో మొత్తం 43.15 లక్షల మందికి కరోనా పాజిటివ్గా తేలగా.. లక్షా 31 వేల మరణాలు నమోదయ్యాయి.
- మెక్సికోలో మహమ్మారి మరణ మృదంగం మోగిస్తోంది. ఇప్పటివరకు ఆ దేశంలో 6.63లక్షల కరోనా కేసులు నమోదయ్యాయి. 70వేల మందికిపైగా చనిపోయారు.
- పాక్లో తాజాగా 526 కేసులు నమోదయ్యాయి. ఫలితంగా బాధితుల సంఖ్య 3,01,481కు చేరింది. మరో 6 మంది వైరస్తో చనిపోవడం వల్ల మృతుల సంఖ్య 6,379కు పెరిగింది.
- దక్షిణ కొరియాలో కొత్తగా 121 మందికి కొవిడ్ నిర్ధరణ కాగా.. కేసుల సంఖ్య 22,176కు చేరింది. వైరస్తో మరో ముగ్గురు ప్రాణాలు కోల్పోగా.. మరణాల సంఖ్య 358కు పెరిగింది.
- సింగపూర్లో మరో 49 కరోనా కేసులు బయటపడగా.. బాధితుల సంఖ్య 57,406కు పెరిగింది.
- నేపాల్లో కొత్తగా 1,039 మందికి పాజిటివ్గా తేలింది. దీంతో మొత్తం కేసుల సంఖ్య 55వేలకు చేరువైంది. కొవిడ్ కారణంగా ఇప్పటివరకు అక్కడ 345 మంది మరణించారు.
ఇదీ చదవండి: రష్యాలో అన్ని ప్రాంతాలకు కరోనా వ్యాక్సిన్!
