కరోనా వ్యాప్తి నేపథ్యంలో తగిన జాగ్రత్తలు వహిస్తూ ప్రపంచవ్యాప్తంగా ప్రజలు క్రిస్మస్ వేడుకలు జరుపుకుంటున్నారు.
ఇటలీలోని వాటికన్ సిటీలో పలు చర్చ్లు, కార్యాలయాలు, వీధులు క్రిస్మస్ విద్యుద్దీపాలంకరణలతో కాంతులీనాయి. రాత్రి 10 గంటల నుంచి ఇటలీలో కర్ఫ్యూ ఉన్న నేపథ్యంలో కొందరు ముందుగానే చర్చ్లకు వెళ్లారు. ఈ ఏడాది వైరస్ వ్యాప్తి దృష్ట్యా వాటికన్ సిటీలోని సెయింట్ పీటర్స్ బాసిలికాలో ఏర్పాటు చేసే ప్రత్యేక కార్యక్రమాన్ని రాత్రి 7.30 గంటలకే నిర్వహించారు.
ఆర్థిక సంక్షోభంలో ఉన్న వెనుజులాలోనూ ప్రజలు క్రిస్మస్ వేడుకలు ఘనంగా జరుపుకుంటున్నారు. కరోనా వ్యాప్తిని మరిచి గురువారం షాపింగ్ పేరిట యథేచ్ఛగా తిరిగారు.
క్రిస్మస్ దృష్ట్యా రష్యాలో కఠిన నిబంధనలకు సడలింపు ఇచ్చారు. ఈ నేపథ్యంలో మాస్కో ప్రజలు ఆనందంగా వేడుకలు జరుపుకుంటున్నారు. విద్యుద్దీపాల వెలుగులో కాంతులీనిన వీధుల్లో తిరుగుతూ కుటుంబ సభ్యులతో సమయం గడుపుతున్నారు.
యూరప్లోని కొన్ని ప్రాంతాల్లో క్రిస్మస్ వేడుకలు జరపకూడదని ప్రభుత్వాలు ఆదేశించాయి. వైరస్ ఉద్ధృతి తీవ్రంగా ఉన్న నేపథ్యంలో ఈ నిర్ణయం తీసుకున్నాయి.
ఇదీ చదవండి:'భారత్తో చర్చలకు ఇప్పట్లో అవకాశాల్లేవ్'
