"మూడోసారి ఓటింగ్​ కుదరదు"

బ్రెగ్జిట్​ ఒప్పందంపై బ్రిటన్​ పార్లమెంట్​లో ఇప్పటికే రెండుసార్లు ఓటింగ్​ జరిగింది. బిల్లులో తగిన మార్పులు చేయకపోతే మూడోసారి ఓటింగ్​కు అనుమతించేది లేదని స్పికర్​ జాన్​ బెర్కౌ తేల్చిచెప్పారు.

గడువు ముగుస్తున్నప్పటికీ బ్రెగ్జిట్​ ఒప్పందంపై సంక్షోభం ఇప్పట్లో తేలేలా లేదు. ఒప్పందాన్ని గట్టెక్కించడానికి బ్రిటన్​ ప్రధాని థెరెసా మే తీవ్రంగా శ్రమిస్తున్నారు. కానీ ఒప్పందాన్ని ఇప్పటికే రెండు సార్లు చట్టసభ్యులు తిరస్కరించారు. మూడోసారి ఓటింగ్​కు ప్రధాని ప్రయత్నిస్తున్నారు.

ఈ విషయమై తాజాగా బ్రిటన్​ పార్లమెంట్​ స్పీకర్​ స్పందించారు. బిల్లులో తగిన మార్పులు చేయకుండా మూడోసారి ప్రవేశపెట్టడానికి ప్రయత్నిస్తే ఓటింగ్​ నిర్వహించడానికి అవకాశమివ్వనని తెలిపారు.

జనవరిలో 230 ఓట్ల తేడతో బిల్లు తొలిసారి ఓడింది. గత వారం జరిగిన రెండో ఓటింగ్​లోనూ 149 ఓట్ల తేడా వల్ల బిల్లు గట్టెక్కలేదు.

పార్లమెంట్​ నిబంధనల ప్రకారం ఓకే అంశంపై చట్ట సభ్యులు రెండు సార్లు ఓటింగ్​ జరపకూడదు.