విమానం-హెలికాప్టర్ ఢీ: ఐదుగురు మృతి

స్పెయిన్​లో హెలికాప్టర్, ఓ చిన్న పాటి విమానం ఢీకొన్నాయి. ఈ ఘటనలో ఐదుగురు మరణించారు. మృతుల్లో ఓ మైనర్ ఉన్నట్లు అధికారులు తెలిపారు.

స్పెయిన్​లోని​ బాలెరిక్ ఐలాండ్​ గగనతలంలో ప్రమాదం జరిగింది. హెలికాఫ్టర్, ఓ చిన్నపాటి విమానం ఢీకొన్న ఘటనలో కనీసం ఐదుగురు మృతి చెందినట్లు అధికారులు తెలిపారు. మరణించినవారిలో ఓ మైనర్​ ఉన్నట్లు చెప్పారు. ఘటన జరిగిన ప్రదేశంలో అత్యవసర సేవలను ఏర్పాటు చేశారు.

ప్రమాదానికి గురైన విమానం వ్యవసాయ క్షేత్రంలో పడిందని స్థానిక అధికారులు చెప్పినట్లు స్పానిష్ ప్రైవేటు మీడియాలో వార్తలొచ్చాయి.

ఇదీ చూడండి: జీ-7 సదస్సు: ప్రపంచ అగ్రనేతలతో మోదీ చర్చలు