ఉక్రెయిన్లో ఘోర విమాన ప్రమాదం జరిగింది. చుహుయివ్‌ విమానాశ్రయంలో ల్యాండింగ్‌ సమయంలో.. ఏఎన్-26 విమానం కూలి 22 మంది మృతి చెందారు. ఉక్రెయిన్ మిలటరీ విమానం ఏవియేషన్ స్కూల్ విద్యార్థులను తీసుకువస్తుండగా ప్రమాదం జరిగినట్లు అధికారులు వెల్లడించారు. మరో ఇద్దరి పరిస్థితి విషమంగా ఉందన్న అధికారులు... నలుగుర గల్లంతయ్యారని పేర్కొన్నారు.
ఈ విమానంలో 28 మంది ప్రయాణికులు ఉన్నట్లు అధికారులు తెలిపారు.
రాజధాని కైవ్‌కు తూర్పున 400 కిలోమీటర్ల దూరంలో ఉన్న చుహుయివ్‌ విమానాశ్రయంలో ఏఎన్-26 విమానం దిగే సమయంలో ప్రమాదం జరిగింది. ప్రమాద సమయంలో సైనిక సిబ్బంది, ఏవియేషన్ విశ్వవిద్యాలయ విద్యార్థులు విమానంలో ఉన్నట్లు చెప్పారు. ప్రమాదానికి గల కారణాలు తెలియాల్సి ఉంది.
