ప్రపంచంలోనే అతిపెద్ద ఆలుగడ్డ- బరువు 8 కిలోలు! ప్రపంచంలోనే అతిపెద్ద (Worlds Biggest Potato) ఆలుగడ్డ న్యూజిలాండ్లో బయటపడింది. హామిల్టన్లో ఉండే కొలిన్, డొన్నా క్రెయిగ్-బ్రౌన్ గార్డెన్లో ఏకంగా 7.9 కేజీల ఆలుగడ్డ పెరిగింది. గార్డెనింగ్ సమయంలో ఇది వారి కంట పడింది. తొలుత దాన్ని ఏదో ఫంగస్ అని భావించారు. పూర్తిగా తవ్వి తీసి రుచి చూసిన తర్వాతే అది ఆలుగడ్డ (Largest Potato in the World) అని నిర్ధరణకు వచ్చారు.
ఆలుగడ్డను చేతిలో పట్టుకున్న కొలిన్.. ప్రపంచంలో ఇప్పటివరకు పెరిగిన అతిపెద్ద ఆలూ (World's biggest potato) ఇదేనని తెలుస్తోంది. బ్రిటన్లో 2011లో బయటపడిన ఆలుగడ్డ.. ఇప్పటివరకు ప్రపంచంలోనే అతిపెద్దదిగా (World's largest potato) గిన్నీస్ రికార్డుకెక్కింది. దాని బరువు 5 కేజీలు.
ముద్దుగా డగ్ అని..
ఆగస్టు 30న ఇది బయటపడగా.. దీనికి చుట్టుపక్కల వారు తెగ ఫ్యాన్స్ అయిపోయారు. ఆ ఆలుగడ్డ ఫొటోలను ఫేస్బుక్లో అప్లోడ్ చేసిన తర్వాత.. దీనికి మరింత పాపులారిటీ వచ్చింది. కొలిన్ దంపతులు ఈ ఆలుగడ్డను 'డగ్' అని ముద్దుగా పిలుచుకుంటున్నారు. ఈ ఆలుగడ్డ వివరాలను గిన్నిస్ సంస్థకు పంపించారు. వారి నుంచి స్పందన రావాల్సి ఉంది.
ఆలుగడ్డను బొమ్మ ట్రాలీలో పెట్టి తరలిస్తూ... అలా పెరిగింది...
దీన్ని కొలిన్ సొంతంగా పెంచలేదు. తాను దోసకాయలను మాత్రమే పెంచానని, ఈ ఆలుగడ్డ తనంతట తానుగా పెరిగిందని చెబుతున్నారు. రెండేళ్లు లేదా అంతకన్నా ఎక్కువ రోజుల నుంచే ఇది పెరుగుతూ ఉండొచ్చని అన్నారు.
ప్రపంచంలోనే అతిపెద్ద ఆలుగడ్డ! ఇదీ చదవండి: వెయ్యి కిలోల గుమ్మడికాయ.. చూశారా ఎప్పుడైనా?
