చంద్రయాన్​కు కుబేరుడి ప్లాన్​- గర్ల్​ ఫ్రెండ్ కోసం వేట

జపాన్ దిగ్గజ వ్యాపారవేత్త యుసాకు మయిజావా.. గర్ల్​ఫ్రెండ్ ​కావాలంటూ ప్రకటన విడుదల చేశారు. జీవతంలో ఒంటరితనం భరించలేకపోవడం వల్లే ఈ నిర్ణయం తీసుకున్నారు. యుసాకుకు గర్ల్​ఫ్రెండ్​గా ఎంపికైన మహిళ.. ఆయనతోపాటు 2023లో స్పేస్​ ఎక్స్​ ద్వారా చంద్రుడిపై యాత్రకు వెళ్లనుంది.

స్పేస్​ ఎక్స్​ ద్వారా చంద్రుడిని చుట్టి రావడానికి ఎంపికైన తొలి ప్రైవేట్​ వ్యక్తి యుసాకు మయిజావా మరోసారి వార్తల్లో నిలిచారు. ఈ జపాన్​ బిలియనీర్​.. తనకో గర్ల్​ఫ్రెండ్ కావాలంటూ ఆన్​లైన్​లో ప్రకటన ఇచ్చారు. తనతో పాటు చంద్రయానం చేసేందుకు ఆ 'గర్ల్​ఫ్రెండ్'​ సిద్ధంగా ఉండాలని దిగ్గజ వ్యాపారవేత్త స్పష్టం చేశారు.

జపాన్​కు చెందిన ఓ నటితో విడిపోయినట్టు ఇటీవలే ప్రకటించారు యుసాకు. 44ఏళ్ల వయసులో ఒంటరితనం భరించలేకపోతున్నానని.. అందుకే ఈ నిర్ణయం తీసుకున్నట్టు వివరించారు.

"నాకు ఇప్పుడు 44ఏళ్లు. ఒంటరితనం, ఏదో కోల్పోయిన భావనలు నన్ను వెంటాడుతున్నాయి. వీటిల్లో నేను కూరుకుపోకుండా ఉండాలంటే.. ఒక మహిళను ప్రేమించడం కొనసాగిస్తూ ఉండాలి."
--- యుసాకు మయిజావా, జపాన్​ వ్యాపారవేత్త.

ఈ ప్రకటనతో పాటు.. 'చంద్రుడిపై ప్రయాణించే తొలి మహిళ మీరే ఎందుకు కాకూడదు?' అంటూ తన ట్విట్టర్​ ఖాతాలో పోస్ట్​ చేశారు.

• [WANTED!!!]
  Why not be the ‘first woman’ to travel to the moon?#MZ_looking_for_love https://t.co/R5VEMXwggl pic.twitter.com/mK6fIJDeiv

  — Yusaku Maezawa (MZ) 前澤友作 (@yousuck2020) January 12, 2020 " class="align-text-top noRightClick twitterSection" data="

  [WANTED!!!]
  Why not be the ‘first woman’ to travel to the moon?#MZ_looking_for_love https://t.co/R5VEMXwggl pic.twitter.com/mK6fIJDeiv

  — Yusaku Maezawa (MZ) 前澤友作 (@yousuck2020) January 12, 2020

  ">

  [WANTED!!!]
  Why not be the ‘first woman’ to travel to the moon?#MZ_looking_for_love https://t.co/R5VEMXwggl pic.twitter.com/mK6fIJDeiv

  — Yusaku Maezawa (MZ) 前澤友作 (@yousuck2020) January 12, 2020

ఇదీ ప్రక్రియ...

20ఏళ్లు పైబడి జీవితాన్ని పరిపూర్ణంగా ఆస్వాదించే వారి కోసం ఎదురుచూస్తున్నట్టు తెలిపారు యుసాకు. ఆయనకు గర్ల్​ఫ్రెండ్​గా ఉండాలనుకునే వారు ఈ నెల 17లోపు దరఖాస్తు చేసుకోవాలి. ఇదంతా ఆన్​లైన్​ ప్రక్రియ. అప్లై చేసుకున్న వారితో తరచూ డేట్స్​కి వెళ్లి... మార్చి నెలాఖరులో తను ఇష్టపడ్డ గర్ల్​ఫ్రెండ్​ను ప్రకటిస్తారు యుసాకు. ఇదంతా ఓ టీవీషోగా రూపొందించనున్నారు.

ఆన్​లైన్​ ఫ్యాషన్​ కంపెనీ జోజో మాజీ చీఫ్​ యుసాకు.. గతేడాది తన సంస్థను యాహూకు అమ్మేసారు. యుసాకు ఇప్పటి వరకు ఇద్దరితో సహజీవనం చేశారు. ఆయనకు ముగ్గురు సంతానం. దిగ్గజ వ్యాపారవేత్త ఎలాన్ మస్క్​కు చెందిన ప్రైవేటు రోదసీ పరిశోధన సంస్థ స్పేస్ ​ఎక్స్.. 2023లో చంద్రుడి వద్దకు వాహకనౌకను పంపేందుకు సన్నద్ధమవుతోంది. ఈ యాత్రలో తనతోపాటు మరో ఆరుగురు కళాకారులను తీసుకెళ్లాలని యుసాకు భావిస్తున్నారు.

ఇదీ చూడండి:- ఇచ్చట భార్య, పిల్లలు అద్దెకు ఇవ్వబడును!