అంతరిక్షంలోకి చైనా పంపిన ఇద్దరు వ్యోమగాములు విజయవంతంగా తొలి స్పేస్వాక్ పూర్తిచేశారు. నూతనంగా ఏర్పాటు చేసిన స్పేస్స్టేషన్ బయటకు వచ్చి.. దాదాపు ఏడు గంటల పాటు గడిపారు.
కెమెరాలు, ఇతర పరికరాలను అమర్చేందుకు వ్యోమగాములు లియు బోమింగ్, టాంగ్ హోంగ్బో బయటకు వచ్చారు. 15 మీటర్ల పొడవైన రోబో చెయ్యి సాయంతో పరికరాలను అమర్చారు. చైనా స్పేస్ ఏజెన్సీ విడుదల చేసిన ఈ దృశ్యాలను అక్కడి అధికారిక టీవీ ఛానల్ ప్రసారం చేసింది. మూడో వ్యోమగామి నీ హైషెంగ్.. స్పేస్ స్టేషన్ లోపలే ఉన్నట్లు తెలిపింది.
స్పేస్ మిషన్
మూడు నెలల మిషన్ కోసం ఈ వ్యోమగాములు జూన్ 17న అంతరిక్షానికి చేరుకున్నారు. స్పేస్స్టేషన్ నిర్మాణంలో భాగంగా.. ఇప్పటికే మూడు ప్రయోగాలు చేసింది చైనా. తొలి మాడ్యూల్ను ఏప్రిల్ 29న ప్రయోగించగా.. రెండో దశలో ఆహారం, ఇంధనాన్ని ఆటోమేటెడ్ స్పేస్క్రాఫ్ట్ ద్వారా అంతరిక్షానికి చేరవేసింది. తర్వాతి ప్రయోగంలో భాగంగా.. ముగ్గురు వ్యోమగాములను పంపించింది.
స్పేస్ స్టేషన్ నిర్మాణం కోసం మొత్తం 11 ప్రయోగాలను చేపట్టాలని చైనా నిర్ణయించింది. వచ్చే ఏడాది చివరి నాటికి ఈ నిర్మాణాన్ని పూర్తి చేయాలని భావిస్తోంది.
ఇదీ చదవండి:
