ఇండోనేషియాలో భారీ భూకంపం... సునామీ హెచ్చరిక

ఇండోనేషియాలో భారీ భూకంపం సంభవించింది. మొలుక్కా సముద్రంలో 24 కి.మీ లోతులో ఈ భూకంపం కేంద్రీకృతమై ఉంది. సునామీ వచ్చే అవకాశముందని యూఎస్ జియోలాజికల్ సర్వే హెచ్చరికలు జారీచేసింది.

ఇండోనేషియాలో ఆదివారం భారీ భూకంపం సంభవించింది. రిక్టర్ స్కేలుపై దీని తీవ్రత 6.9గా నమోదైంది. దీని తీవ్రత దృష్ట్యా సునామీ వచ్చే ప్రమాదం ఉందని యూఎస్​ జియోలాజికల్ సర్వే తెలిపింది.

ఉత్తర సులవేసి, ఉత్తర మలుకు మధ్య ఉన్న మొలుక్కా సముద్రంలో... 24 కి.మీ లోతులో ఈ భూకంపం కేంద్రీకృతమై ఉందని యూఎస్​ జియోలాజికల్ సర్వే స్పష్టం చేసింది.

ముందు జాగ్రత్త చర్యగా తీరప్రాంతంలోని ప్రజలకు సునామీ హెచ్చరికలు జారీ చేసింది ఇండోనేషియా జియోఫిజిక్స్ ఏజెన్సీ.

ఇదీ చూడండి: అణు ఒప్పందాన్ని ఉల్లంఘిస్తున్నాం: ఇరాన్​