పేద దేశాల నుంచి దొంగిలించిన ఏడు ట్రిలియన్ డాలర్ల విలువైన ఆస్తులు.. కొన్ని ఆర్థిక సురక్షిత దేశాల్లోకి చేరుకున్నాయని పాకిస్థాన్ ప్రధాన మంత్రి ఇమ్రాన్ ఖాన్ వ్యాఖ్యానించారు. అందువల్లే ఆ దేశాలన్నీ ఇంకా అభివృద్ధి చెందే దశలో ఉండిపోతున్నాయని పేర్కొన్నారు. 2030 అభివృద్ధి ఎజెండాలో భాగంగా.. అంతర్జాతీయ ఆర్థిక జవాబుదారీతనం, పారదర్శకత, సమగ్రత(ఏఎఫ్సీటీఐ) ప్యానెల్ రూపొందించిన తుది నివేదిక ఆవిష్కరణ కార్యక్రమంలో ఆయన వర్చువల్గా పాల్గొన్నారు.
అభివృద్ధి చెందుతున్న దేశాల నుంచి దొంగిలించిన ఏడు ట్రిలియన్ డాలర్ల ఆస్తులు.. ఆర్థికంగా ఎదిగిన దేశాల్లోకి చేరిపోయాయి. అందువల్లే ఆ దేశాలు ఇంకా అభివృద్ధి చెందుతున్న దశలోనే ఉండిపోతున్నాయి.పేదరికం, అసమానతలు, రాజకీయ అస్థిరతలు అక్కడ ఉంటున్నాయి.
-ఇమ్రాన్ ఖాన్, పాకిస్థాన్ ప్రధాన మంత్రి
ఈ ఆర్థిక ప్రవాహానికి అడ్డుకట్టపడి, ఆ ఆస్తులన్నీ వెనక్కు వస్తే.. అభివృద్ధి చెందుతున్న దేశాల్లో మార్పు కనిపిస్తుందని ఇమ్రాన్ ఖాన్ అభిప్రాయపడ్డారు.
ఇదీ చదవండి:ఉపఖండంలో విభేదాలకు చర్చలే పరిష్కారం: పాక్ ప్రధాని
