మరో రెండుసార్లు అధ్యక్ష పదవికి పోటీ చేసేందుకు తనకు వీలు కల్పించే ఓ చట్టంపై రష్యా అధ్యక్షుడు వ్లాదిమిర్ పుతిన్ సోమవారం లాంఛనంగా సంతకం చేశారు. దీనివల్ల ఆయన 2036 వరకూ ఆ పదవిలో కొనసాగేందుకు వీలు కలుగుతుంది.
రాజ్యాంగ సంస్కరణల్లో భాగంగా పుతిన్ తెచ్చిన ఈ ప్రతిపాదనకు మద్దతుగా గత ఏడాది జులైలో ప్రజలు పెద్ద సంఖ్యలో ఓటువేశారు. ఈ బిల్లుకు గత నెలలో చట్టసభ సభ్యులు మద్దతు పలికారు.
68 ఏళ్ల పుతిన్.. రెండు దశాబ్దాలకు పైగా రష్యాలో అధికారంలో ఉన్నారు. సోవియట్ పాలకుడు జోసెఫ్ స్టాలిన్ కన్నా ఎక్కువకాలం పాటు పదవిలో కొనసాగారు. ఆయన ప్రస్తుత ఆరేళ్ల పదవీకాలం 2024లో ముగుస్తుంది. మళ్లీ అధ్యక్షుడిగా పోటీ చేయాలా.. వద్దా.. అన్నది ఆ తర్వాత నిర్ణయిస్తానని ఆయన చెప్పారు.
ఇదీ చూడండి: కరోనా వ్యాప్తితో ఆ దేశాల్లో మళ్లీ లాక్డౌన్!
