మరో రెండు పర్యాయాలు రష్యా అధ్యక్షుడిగా వ్లాదిమిర్ పుతిన్ను కొనసాగించేందుకు వీలు కల్పించే బిల్లును ఆ దేశ దిగువ సభ (స్టేట్ డ్యూమా) ఆమోదించింది. దీంతో 2024 నుంచి 2 దఫాలు (2036 వరకు) ఆయనే ప్రెసిడెంట్గా కొనసాగే ప్రక్రియలో మరో ముందడుగు పడినట్లైంది.
ఈ బిల్లును ఫెడరేషన్ కౌన్సిల్(రష్యా ఎగువ సభ) ఆమోదించాల్సి ఉంది. అనంతరం పుతిన్ సంతకంతో అది చట్టంగా రూపుదాల్చుతుంది.
పుతిన్ ప్రస్తుత ఆరేళ్ల పదవీ కాలం 2024తో ముగియనుంది. దేశాధ్యక్ష పీఠంపై పుతిన్ 2036 వరకు కొనసాగేందుకు వీలు కల్పించే రాజ్యాంగ సంస్కరణలను రష్యా ప్రజలు 2020 జులైలో ఆమోదించారు. దాని ప్రకారం పుతిన్ ఇప్పటివరకు 4 సార్లు అధ్యక్ష పదవి చేపట్టిన లెక్క పరిగణనలోకి రాదు.
ఇదీ చూడండి: రష్యా 'నయా' చక్రవర్తి.. వ్లాదిమిర్ పుతిన్
