దేశ విభజనతో మూతపడిన పాకిస్థాన్లోని వెయ్యేళ్ల నాటి చారిత్రక హిందూ దేవాలయంలో మళ్లీ పూజలు ఆరంభమయ్యాయి. ఆలయాన్ని తెరవాలన్న స్థానిక హిందువుల డిమాండ్ మేరకు చర్యలు చేపట్టిన పాక్ ప్రభుత్వం... 72 ఏళ్ల తర్వాత ప్రవేశానికి అనుమతినిచ్చింది.
ఎంతో చరిత్ర ఉన్న దేవాలయం...
'శావాల తేజ్ సింహ్' శివాలయం లాహోర్కు 100 కిలోమీటర్ల దూరంలోని సియాల్కోట్లో ఉంది. ప్రముఖ రచయిత రషీద్ నియాజ్ రచించిన 'సియాల్ కోట్ చరిత్ర' పుస్తకం ప్రకారం ఆలయానికి వెయ్యేళ్ల చరిత్ర ఉంది. కానీ దేశ విభజన సమయంలో పూజలకు దూరమైంది.
చారిత్రక ఆలయమైనందున దీన్ని పునరుద్ధరించాలని భావించిన పాక్ ప్రభుత్వం అందుకనుగుణంగా చర్యలు చేపట్టింది. పనులు దాదాపు కొలిక్కి రావడం వల్ల దేవాలయాన్ని తెరిచి, స్థానిక హిందువులకు ప్రవేశం కల్పించారు అధికారులు.
ఆలయాన్ని పునరుద్ధరించాలన్న ప్రభుత్వ నిర్ణయాన్ని స్థానిక హిందూ నాయకులు స్వాగతించారు.
ఇదీ చూడండి: అమెరికా ఆశ్రయం కోసం భారతీయుల నిరశన- భగ్నం
