12 దేశాల విమానాలపై పాక్​ నిషేధం

కొవిడ్ వ్యాప్తి దృష్ట్యా 12 దేశాల నుంచి విమాన రాకపోకలు పూర్తి స్థాయిలో నిలిపివేస్తున్నట్లు పాకిస్థాన్​ పేర్కొంది. మార్చి 23 నుంచి ఏప్రిల్ 5 వరకు ఈ నిబంధన అమల్లో ఉంటుందని పేర్కొంది.

కరోనా కొత్త స్ట్రెయిన్​ వ్యాప్తి దృష్ట్యా పాకిస్థాన్​ ప్రభుత్వం 12 దేశాల నుంచి విమానాల రాకపోకలను నిషేధించింది. దక్షిణాఫ్రికా, బ్రెజిల్ వైరస్​ స్ట్రెయిన్​ల ఉద్ధృతిని అదుపు చేసేందుకు పాక్​ పౌర విమానయాన శాఖ ఈ మేరకు నిర్ణయం తీసుకుంది.

దేశాలను మూడు కేటగిరీలుగా విభజించి వాటి రాకపోకలపై ఉండే ఆంక్షలను వెల్లడించింది పాక్. సీ కేటగిరీలోని 12 దేశాల విమానాలపై మార్చి 23 నుంచి ఏప్రిల్ 5 వరకు పూర్తి స్థాయి నిషేధం అమల్లో ఉంటుందని తెలిపింది.

బోత్సువానా, బ్రెజిల్, కొలంబియా, కొమొరొస్, ఘన, కెన్యా, మొజాంబిక్, పెరు, రువాండా, దక్షిణాఫ్రికా, టాంజానియా, జాంబియా దేశాలను 'సీ' కేటగిరీగా పేర్కొంది.

ఇదీ చదవండి:హత్యల లెక్కలతో పోలీసులకే షాక్ ఇచ్చిన నిందితుడు