ముంబయి ఉగ్రదాడి ప్రధాన సూత్రధారైన జమాత్-ఉద్-దవా అధినేత హఫీజ్ సయీద్ ముఖ్య అధికార ప్రతినిధి యాహ్యా ముజాహిద్కు పాకిస్థాన్ కోర్టు 15ఏళ్ల జైలు శిక్ష విధించింది. ఉగ్ర కార్యకలాపాలకు నిధులు సమకూర్చిన కేసులో లాహోర్లోని ఉగ్రవాద వ్యతిరేక న్యాయస్థానం ఈమేరకు తీర్పు ఇచ్చింది. మరో కేసుకు సంబంధించి ఇప్పటికే ముజాహిద్కు 32 సంవత్సరాల జైలు శిక్ష పడింది.
ముజాహిద్తో పాటు జేయూడీ సీనియర్ నాయకుడు జఫార్ ఇక్బాల్, హఫీజ్ అబ్దుల్లా రెహమాన్ మక్కి అనే ఇరువురికి ఆరు నెలలు శిక్ష విధించింది లాహోర్ న్యాయస్థానం.
అమెరికా ఆర్థిక విభాగం హఫీజ్ సయీద్ను అంతర్జాతీయ ఆర్థిక ఉగ్రవాదిగా గుర్తించింది. ఇందుకు సంబంధించి 2008 డిసెంబర్‌లో ఐక్యరాజ్య సమితి భద్రతా మండలి తీర్మానం చేసింది.
