వచ్చేవారంలోనే జిన్​పింగ్​తో ప్రధాని మోదీ భేటీ

చైనా అధ్యక్షుడితో ప్రధాని నరేంద్రమోదీ భేటీ కానున్నారు. జూన్​ రెండోవారంలో ఈ సమావేశం జరుగుతుందని అధికారులు తెలిపారు.

భారత ప్రధాని నరేంద్రమోదీ.. చైనా అధ్యక్షుడు జిన్​పింగ్​తో భేటీ కానున్నారు. జూన్​ 13-14 తేదీల్లో కిర్గిస్థాన్​ రాజధాని బిష్కెక్​లో జరగనున్న షాంఘై సహకార సంస్థ(ఎస్​సీఓ) సదస్సులో ప్రధాని పాల్గొంటారు. ఈ సదస్సులో భాగంగానే చైనా అధ్యక్షుడితో మోదీ విడిగా సమావేశమవుతారని భారత రాయబారి విక్రమ్​ మిస్రీ తెలిపారు. గత కొంత కాలంగా ఇరుదేశాల మధ్య బలమైన సత్సంబంధాలు ఏర్పడేలా భారత్​, చైనా దేశాలు వ్యవహరించాయని పేర్కొన్నారు. మోదీ- జిన్​పింగ్​ మధ్య గతేడాది జరిగిన భేటీ.. చరిత్రలో నిలిచిపోతుందన్నారు మిస్రీ. భారత ప్రధానిగా రెండోసారి బాధ్యతలు చేపట్టిన అనంతరం తొలిసారి జిన్​పింగ్​తో భేటీ కానున్నారు మోదీ.

ఇదీ చూడండి : ఏఎన్​-32 జాడకోసం విరామం లేని గాలింపు