కొన్ని రోజులుగా ఒక్క కరోనా కేసు కూడా నమోదు కాని చైనా వుహాన్లో ఆరు కొత్త కేసులు వెలుగు చూశాయి. వేగంగా పునరుద్ధరణ చర్యల్లో నిమగ్నమైన ప్రభుత్వానికి వుహాన్లో మళ్లీ కేసులు నమోదుకావడం కలవరానికి గురిచేస్తోంది. ఈ నేపథ్యంలో కరోనా వ్యాప్తిని అరికట్టడంలో విఫలమైన కాలనీ వర్కింగ్ కమిటీ కార్యదర్శిని పదవి నుంచి తొలగించింది ప్రభుత్వం.
వైరస్కు కేంద్ర బిందువై వుహాన్లో మహమ్మారి వ్యాప్తిని కొద్ది రోజుల్లోనే కట్టడి చేయగలిగింది చైనా. దేశవ్యాప్తంగా ఈ ఏడాది జనవరి 23న కఠిన లాక్డౌన్ విధించి వైరస్ వ్యాప్తిని అడ్డుకుంది. ఏప్రిల్ 8న వుహాన్ సహా పలు ప్రాంతాల్లో లాక్డౌన్ ఎత్తివేసింది. దీంతో ఆ ప్రాంతాల్లో సాధారణ స్థితి నెలకొంది. జిమ్లు, ఇతర వినోద కేంద్రాలతో పాటు.. షాంఘై, డిస్నీ ల్యాండ్ వంటి ప్రముఖ పర్యటక ప్రదేశాలు తెరుచుకున్నాయి.
చైనా జాతీయ ఆరోగ్య కమిషన్ ప్రకారం.. దేశంలో 17 కొత్త కేసులు నమోదయ్యాయి. ఇప్పటి వరకు 82,918 మంది కరోనా బారిన పడ్డారు.
ఇదీ చదవండి:కరోనా మృతుల పక్కనే సాధారణ రోగులకు చికిత్స!
