కరోనా భయం-తొలిసారి బయటికి వచ్చిన కిమ్​

పొరుగుదేశం చైనాలో కరోనా వ్యాప్తి చెందినప్పటి నుంచి మొదటిసారి బయటికి వచ్చారు ఉత్తరకొరియా అధ్యక్షుడు కిమ్​ జోంగ్​ ఉన్​. ఆయన తండ్రి, మాజీ అధ్యక్షుడు కిమ్​ జోంగ్ ఇల్​ జయంతి సందర్భంగా నివాళులు అర్పించారు.

ఉత్తర కొరియా అధ్యక్షుడు కిమ్​ జోంగ్... కరోనా విజృంభణ తర్వాత తొలిసారి​ బయటకు వచ్చారు. నేడు ఆ దేశ మాజీ అధ్యక్షుడు, తన తండ్రి కిమ్​ జోంగ్​ ఇల్​​ జయంతి. ఈ సందర్భంగా ప్యాంగ్​యాంగ్​లోని కుమ్సుసాన్ ప్యాలెస్​లో తన తండ్రి, తాత కిమ్​ ఇల్​ సుంగ్​కు నివాళులు అర్పించారు.

కిమ్​ తండ్రి, తాత జయంతి, వర్ధంతికి దేశవ్యాప్తంగా సెలవు ప్రకటిస్తుంది అక్కడి ప్రభుత్వం. ఇల్​ జయంతి సందర్భంగా షైనింగ్ స్టార్​ పేరిట వేడుకలను జరుపుకొంటారు ఉత్తర కొరియన్లు.

మరో 30 రోజులు పొడిగింపు...

చైనాలో ఇప్పటివరకు కరోనా ధాటికి 1600 మందికి పైగా మృత్యువాత పడ్డారు. ఈ నేపథ్యంలో అప్రమత్తమైన కొరియా ప్రభుత్వం ఆ దేశానికి వెళ్లే విమాన, రైలు మార్గాలను నిలిపివేసింది. వైరస్​ లక్షణాలు కలిగిన వ్యక్తుల నిర్బంధాన్ని మరో 30 రోజులకు పొడిగించినట్లు స్పష్టం చేసింది.

ఇదీ చూడండి: ప్లాస్టిక్​ బాటిళ్లతో సుందరమైన శ్వేత ఏనుగు!