ఎగిరే​ కారు​... ఇక ఊహ కాదు నిజం...!

ఆకాశంలో ఎగిరే 'ఫ్లయింగ్​ కార్'​ గురించి వినే ఉంటారు. ఇప్పటివరకు అది ఊహలకే పరిమితం. కానీ జపాన్​ ఎలక్ట్రానిక్​ పరికరాల తయారీ సంస్థ (ఎన్​ఈసీ) ఆ ఊహలకు రూపమిచ్చింది. ఫ్లయింగ్​ కారును రూపొందించింది.

జపాన్​ ఎలక్ట్రానిక్​ పరికరాల తయారీ సంస్థ నెక్​ (ఎన్​ఈసీ) ఫ్లయింగ్​ కారును రూపొందించింది. నాలుగు ప్రొపెల్లర్లు కలిగిన పెద్దరకం డ్రోన్​ లా ఉండే ఈ కారును సోమవారం పరీక్షించింది. తొలి పరీక్షలోనే మూడు మీటర్ల ఎత్తులో సుమారు నిమిషం పాటు గాల్లో ఎగిరింది. అబికోలోని సంస్థ ఆవరణలో ప్రత్యేక ఏర్పాట్ల మధ్య ఫ్లయింగ్​ కారును పరీక్షించారు. దీనిని భవిష్యత్తు రవాణా సాధనంగా అభివర్ణించారు నెక్​ సీనియర్​ అధికారి.

2030 వరకు ప్రజలకు అందుబాటులోకి తేవాలనే లక్ష్యంతో జపాన్​ ప్రభుత్వం ప్రణాళికలు చేస్తోంది. తొలిసారి 2017లో ఫ్లయింగ్​ కారును రూపొందించింది కర్టివేటర్​ సంస్థ. కానీ అది పరీక్షించే క్రమంలో కూలిపోయింది. ప్రస్తుతం ఫ్లయింగ్​ కార్లకు భద్రత, బ్యాటరీ లైఫ్​ పెద్ద అవరోధంగా ఉన్నాయి.

ఇలాంటి ప్రాజెక్టులు అమెరికా ఉబెర్​ ఎయిర్​ వంటి సంస్థలతో పాటు ప్రపంచంలోని పలు దేశాల్లో జరుగుతున్నాయి.

ఇదీ చూడండి: పక్షిలా ఎగురుతూ ఫ్రాన్స్​ నుంచి ఇంగ్లాండ్​కు!