హాంకాంగ్కు చెందిన హాలీవుడ్ స్టార్ కథానాయకుడు జాకీ చాన్.. తాను చైనా అధికార పార్టీ అయిన కమ్యూనిస్ట్ పార్టీ ఆఫ్ చైనా(సీపీసీ)లో చేరాలనకుంటున్నట్లు చెప్పారు. బీజింగ్లో గురువారం నిర్వహించిన ఓ చర్చా కార్యాక్రమంలో జాకీ చాన్ ఈ మేరకు వెల్లడించారు.
జులై 1న సీపీసీ వందేళ్లు పూర్తి చేసుకున్న నేపథ్యంలో ఆ దేశ అధ్యక్షుడు జిన్పింగ్ చేసిన కీలక ప్రసంగంపై చైనా సినీ ప్రముఖులు తమ అభిప్రాయాలను పంచుకున్నారు. చైనా ఫిల్మ్ అసోసియేషన్ ఉపాధ్యక్షుడిగా ఉన్న జాకీ చాన్ ఈ చర్చా కార్యక్రమంలో మాట్లాడుతూ పార్టీలో చేరికపై తన ఆసక్తిని బయటపెట్టారు.
"సీపీసీ గొప్పతనాన్ని నేను చూడగలను. సీపీసీ వందేళ్లలోపు ఏదైతే చేస్తానని హామీ ఇచ్చిందో దాన్ని కొన్ని దశబ్దాల్లోనే నెరవేర్చగలదు. సీపీసీలో నేను సభ్యుడిని అవ్వాలనుకుంటున్నాను."
-జాకీ చాన్, హాలీవుడ్ కథానాయకుడు
కొన్నేళ్లుగా సీపీసీకి జాకీ చాన్ మద్దతిస్తున్నారు. సీపీసీకి చెందిన చైనీస్ పీపుల్స్ పొలిటికల్ కన్సల్టేటివ్ కాన్ఫరెన్సులో(సీపీసీసీ) ఆయన చాలాకాలంపాటు సభ్యుడిగా పనిచేశారు. అయితే.. 2019లో హాంకాంగ్లో ప్రజాస్వామ్య అనుకూల నిరసనను వ్యతిరేకించి జాకీ చాన్ తీవ్ర విమర్శలు ఎదుర్కొన్నారు. "హాంకాంగ్, చైనా నా జన్మస్థలాలు, నా ఇళ్లు. చైనా నా దేశం. నేను నా దేశాన్ని ప్రేమిస్తున్నాను. అలాగే నా ఇంటిని కూడా. హాంకాంగ్ త్వరలోనే శాంతి తిరిగి నెలకొంటుందని ఆశిస్తున్నాను" అని 2019లో జాకీ చాన్ చెప్పారు.
ఇదీ చూడండి: ప్రజాస్వామ్యంపై చైనా దెబ్బ- హాంకాంగ్పై మరింత పట్టు
ఇదీ చూడండి: హాంకాంగ్పై పూర్తి నియంత్రణకు చైనా కుయుక్తులు
ఇదీ చూడండి: చైనాపై సీపీసీ ఉక్కు పిడికిలి బిగించిందిలా...
