అత్యాధునిక గగనతల రక్షణ వ్యవస్థ ఎస్-400 తొలి బ్యాచ్ ఈ ఏడాది అక్టోబర్-డిసెంబర్ మధ్య భారత్కు అందనుంది. ఎస్-400 కొనుగోలు ఒప్పందం ప్రకారమే ప్రక్రియ పూర్తవుతుందని రష్యా ఆయుధ ఎగుమతి సంస్థ 'రోసోబోరోన్ ఎక్స్పోర్ట్' సంస్థ సీఈఓ అలెగ్జాండర్ మిఖాయేవ్ తెలిపారు.
రక్షణ రంగంలో కీలక ఆయుధ సామగ్రిని రష్యా నుంచి కొనుగోలు చేసేందుకు భారత్ ప్రాధాన్యమిస్తోంది. ఈ నేపథ్యంలో రష్యా నుంచి ఎస్-400 గగనతల రక్షణ వ్యవస్థను కొనుగోలు చేసుకునేందుకు 2018, అక్టోబర్లో ఒప్పందం కుదుర్చుకుంది. 5 క్షిపణుల కొనుగోలు కోసం.. 500 కోట్ల డాలర్లను ఖర్చు చేయనుంది భారత్. ఇప్పటికే గతేడాది 800 మిలియన్ డాలర్లను రష్యాకు చెల్లించింది.
ఎస్-400 అనేది రష్యాకు చెందిన అత్యాధునిక దీర్ఘశ్రేణి ఉపరితలం నుంచి గగనతలంలోని లక్ష్యాలను ఛేదించే వ్యవస్థగా పిలుస్తారు. ట్రయాంఫ్ ఇంటర్సెప్టర్ ఆధారిత క్షిపణి వ్యవస్థ.. 400 కిలోమీటర్ల దూరంలోని శుత్రు విమానాలు, క్షిపణులు, డ్రోన్లను ధ్వంసం చేయగలదు.
ఇదీ చదవండి: కాల్పుల విరమణవైపు ఇజ్రాయెల్- పాలస్తీనా అడుగులు!
