హాంకాంగ్లో నేరస్థుల అప్పగింత బిల్లుకు వ్యతిరేకంగా నిరసనలు చేపట్టి ఇప్పటికి 11వారాలు గడుస్తోంది. ఈ నేపథ్యంలో ఆందోళనకారులతో చర్చలకు సిద్ధంగా ఉన్నట్లు హాంకాంగ్ ముఖ్య కార్యనిర్వహణ అధికారి కారీ లామ్ ప్రతిపాదించారు. అయితే అందుకు నిరసనకారులు అంగీకరించలేదు.
పోలీసులపై నిరసనకారులు చేసిన దాష్టీకానికి ఇప్పటివరకు 174 కేసులు నమోదైనట్లు కారీలామ్ తెలిపారు. ఈ దుశ్చర్యల నిగ్గు తేల్చేందుకు నిజ నిర్ధరణ కమిటీ వేయనున్నట్లు వెల్లడించారు. నేరస్థుల అప్పగింత బిల్లును మాత్రం అధికారికంగా విరమించడానికి నిరాకరించారు.
ఆందోళనకారులు మాత్రం తమ డిమాండ్లు తీర్చే వరకు నిరసనలు కొనసాగుతూనే ఉంటాయని తేల్చి చెప్పారు.
నిరసనకారుల డిమాండ్లు ఇవే
- సార్వత్రిక ఓటు హక్కు
- నేరస్థుల అప్పగింత బిల్లు రద్దు
- అదుపులోకి తీసుకున్న నిరసనకారుల విడుదల
చిన్నారి
నిరసనల్లో పాల్గొని తన గళం వినిపించిన ఓ చిన్నారి ప్రత్యేక ఆకర్షణగా నిలిచింది. ఓ వంతెనపై నిల్చొని, ప్రభుత్వానికి వ్యతిరేకంగా నినాదాలు చేసింది. వంతెన కింద నుంచి భారీగా వెళ్తున్న నిరసనకారులు...చిన్నారిని అనుసరిస్తూ నినాదాలు చేశారు.
ఇదీ చూడండి:అదిరేటి డ్రస్సు మేమేస్తే.. అంటున్న శునకాలు
